Дар Маскав аз Бобоҷон Ғафуров ёд карданд

Обуна шудан
Yandex newsTelegram
Дар Институти шарқшиносии Академияи илмҳои Россия ҷаласаи васеи Шӯрои илмӣ бахшида ба ёдбуди олими барҷаста ва ходими сиёсии Тоҷикистон, академик Бобоҷон Ғафуров баргузор шуд

ДУШАНБЕ, 23 дек — Sputnik.  Ахиран дар Институти шарқшиносии  Академияи илмҳои Россия (ИШАИР)  ҷаласаи васеи Шӯрои  илмӣ бахшида ба ёдбуди  олими барҷаста ва ходими сиёсии Тоҷикистон, академик Бобоҷон Ғафуров, ки соли равон дар Тоҷикистон ва Россия 110-солагиаш таҷлил мегардад, баргузор  шуда.

Флаг России и Таджикистана - Sputnik Тоҷикистон
Русияву Тоҷикистон аз Бобоҷон Ғафуров ёд карданд

Бино ба иттилои хабаргузории Ховар ар ин нишасти илмӣ донишмандони Фарҳангистони улуми Русия ва Тоҷикистон роҷеъ ба хадамоти Бобоҷон Ғафуров дар рушди масоили ховаршиносии вақти Шӯравии собиқ суханронӣ карданд.

манбаъ таъкид намудааст, ки ҷаласаи Шӯрои илмӣ таҳти раёсати Роҳбари илмии Институти шарқшиносии Академияи илмҳои Россия, академик Виталий Наумкин баргузор гардид.

Виталий Наумкин зимни суханрониаш дар бораи  аҳамияти барҷастаи Бобоҷон Ғафуров дар рушди мактаби шарқшиносӣ  ва инкишофи  ин илм дар Иттиҳоди Шӯравӣ ибрози назар кард.

Инчунин манбаъ хабар додааст, ки дар ҷаласаи Шӯрои илмӣ намояндагони Тоҷикистон — академик Кароматулло Олимов, саркотиби илмии Академияи илмҳои Тоҷикистон Қосимшо Искандаров, кормандони Сафорати Тоҷикистон дар Русия,  Маҳаррама Қодирова ва Шамсуддин Бобоев иштирок намуданд.

Миёни иштирокдорон Беҳзод Турақулов, профессори Донишгоҳи давлатии Самарқанд низ ҳузур дошт. Меҳмонон зимни суханронии худ дар бораи таҷлили ҷашни фархундаи академик Бобоҷон Ғафуров дар ҷумҳурӣ, аз ҷумла дар Душанбе ва Хуҷанд ибрози андеша намуданд.

Раджаббой Ахмадзода вручил награду имени Камоли Худжанди в Согде - Sputnik Тоҷикистон
Ғолибони ҷоизаи “Камоли Хуҷандӣ” ва “Бобоҷон Ғафуров” дар Суғд муайян шуд

Дар ҳамин ҳол, Дмитрий Василйев, олими туркшиноси Институти шарқшиносии  Академияи илмҳои Россия, мудири шуъбаи таърихи Шарқ, ноиби президенти ҷамъияти шароқшиносони Русия, изҳор намуд, ки барои худ  шарафи бузург меҳисобад, агар ба донишгоҳе, ки  дар он кор мекунад, номи академик Бобоҷон Ғафуров гузошта шавад. 

Ин пешниҳод аз ҷониби аксар аъзоёни Шӯрои илмӣ ва дигар ширкаткунандагони ҷаласа пазируфта шуд.

Ёдовар мешавем, ки Бобоҷон Ғафуров Институти шарқшиносии Академияи илмҳои Иттиҳоди Шӯравӣ (ҳоло Институти шарқшиносии АИР)-ро аз соли 1956 то охири соли 1977 роҳбарӣ намуда буд.

Лентаи хабарҳо
0