Вазорати тандурустӣ бо кумаки Бонки Ҷаҳонӣ 20 мошини ёрии таъҷилӣ харидорӣ кард

© Пресс-служба министерства здравоохранения Республики ТаджикиситанМинздрав Таджикистана при поддержке Всемирного банка приобрел 20 автомобилей скорой помощи
Минздрав Таджикистана при поддержке Всемирного банка приобрел 20 автомобилей скорой помощи - Sputnik Тоҷикистон
Обуна шудан
Вазорати тандурустии Тоҷикистон барои беҳтар кардани сифати хизматрасонии тиббӣ дар навоҳии дурдасти кишвар 20 мошини ёрии таъҷилӣ харидорӣ кардааст

ДУШАНБЕ, 26 декабря - Sputnik.  Вазорати тандурустӣ ва ҳифзи иҷтимоии аҳолии Тоҷикистон бо маблағгузории Бонки Ҷаҳонӣ 20 адад мошинҳои ёрии таъҷилӣ бо арзиши 5 640 000 сомонӣ (ҳар яке баробар ба 30 000 доллар) харидорӣ кардааст, иттилоъ додааст дафтари матбуоти вазорат.

Бино бар иттилои манбаъ, 20 мошини ёрии таъҷилӣ дар доираи барномаи “Беҳтаркунии хизматрасонии тиббӣ” ки дар назди Вазорати тандурустӣ фаъолият дорад роҳандозӣ шудааст.  

Скорая медицинская помощь в Душанбе - Sputnik Тоҷикистон
Пизишкони Суғд 30 худрави ёрии таъҷилӣ дарёфт карданд

Иттилоъ дода шудааст, ки мошинҳои санитарӣ ба муассисаҳои шабакаҳои кӯмаки аввалияи тиббию санитарии ноҳияҳои Деваштич, Мастчоҳ, Фархор, Данғара, Ёвон, Ҷалолиддини Балхӣ ва Ишкошим равона карда мешаванд.

Нақлиёти  ёрии таъҷилӣ, ки воридкунандаи он Ҷамъияти масъулияташ маҳдуди “Ормон” аст, тамғаи “Фотон”, истеҳсоли корхонаи мошинсозии Чин буда, ба тамоми меъёрҳои байналмилалӣ ҷавобгӯй мебошад.

“Мошинҳои ёрии таъҷилӣ ба шароити  навоҳии Тоҷикистон мувофиқ гардонида шуда, барои таҳвили маризон ба беморхона ва расонидани кӯмаки аввалияи тиббию санитарӣ мусоидат хоҳанд кард”,- хабар додааст манбаъ.

Мошинҳои мазкур ба марказҳои саломатие пешниҳод гаштанд, ки аз маркази ноҳияҳо дар масофаи дуртар ҷойгир шудаанд ва шумораи аҳолиашон аз дигар деҳаҳо бештар аст.

Лентаи хабарҳо
0