Созишнома имзо шуд: кӣ, кай ва чигуна муҳоҷирони тоҷикро ба Қатар мефиристад?

© Сомонаи фейсбукии Вазорати рушди идорӣ, шуғл ва умури иҷтимоии ҚатарИмзои созишномаи умури муҳоҷират миёни Тоҷикистон ва Қатар
Имзои созишномаи умури муҳоҷират миёни Тоҷикистон ва Қатар - Sputnik Тоҷикистон
Обуна шудан
Тоҷикистон ва Қатар созишнома дар бахши муҳоҷирати кориро имзо кардаанд

ДУШАНБЕ, 4 фев — Sputnik. Созишномаи ҳукуматҳо дар мавриди танзими қувваи корӣ аз Тоҷикистон дар давлати Қатар 3 феврал аз ҷониби Юсуф бин Муҳаммад ал-Усмон Фахру, вазири рушди идорӣ, шуғл ва умури иҷтимоии Қатар ва ҳамтои тоҷикаш Сумангул Тағойзода имзо гардид.

Дни культуры Таджикистана в Москве - Sputnik Тоҷикистон
Рӯзҳои фарҳангии Тоҷикистон дар Қатар ба анҷом расиданд

Тибқи муқаррароти Созишнома муҳоҷирони Тоҷикистон дар Қатар, бар асоси шартномаи меҳнатии инфиродӣ байни коргар ва корфармо, тибқи қонуни давлати мизбон фаъолият хоҳанд кард.

Вазорати меҳнат, муҳоҷират ва шуғли аҳолии Тоҷикистон иттилоъ дод, ки созишномаи мазкур баъди расмиёти дохилидавлатии тарафҳо мавриди амал қарор мегирад.

Манбаъ таъкид кард, ки ҷалби коргарон тавассути муассисаи давлатии “Агентии бокортаъминкунӣ дар хориҷа”-и Вазорати меҳнат, муҳоҷират ва шуғли аҳолии Тоҷикистон дар асоси ихтисосҳои мавриди ниёзи кордиҳандагони кишвари мизбон ба роҳ монда мешавад.

Сумангул Тағойзода бо мақомдорони Қатар таҳкими  ҳамкории минбаъда дар бахши шуғли аҳолӣ, таҳсилоти касбӣ ва таълими калонсолон баррасӣ кардааст.

Имзои созишнома дар ҳолест, ки ҳудуди як миллион муҳоҷир аз Тоҷикистон барои кор дар хориҷ, асосан Русия ва Қазоқистон қарор доранд.

Лентаи хабарҳо
0