Маҷнунҳои рашкин: дар Тоҷикистон ду куштор ба сабаби рашк рух дод

© Sputnik / Евгений Биятов / Гузариш ба медиабонкРуки задержаного в наручниках, архивное фото
Руки задержаного в наручниках, архивное фото - Sputnik Тоҷикистон
Обуна шудан
Кормандони милитсия Тоҷикистон марди 42 сола ва як марди 50 соларо дастгир намуданд, ки ба сабаби рашк даст ба куштор задаанд

ДУШАНБЕ, 5 фев — Sputnik.  Кормандони милитсияи Тоҷикистон марди 42-солаи сокини ҷамоати деҳоти Қаратоғи шаҳри Турсунзода ва бародараш, марди 33-сола бо гумони одамкушӣ дастгир карда намуданд, иттилоъ додааст дафтари матбуоти Вазорати корҳои дохилаи кишвар.

“Номбурдагон, рӯзи 4-уми феврали соли равон, тахминан соати 22:30-дақиқа, дар ҳавлии истиқоматиашон ба марди 44-солаи сокини ҷамоати деҳоти мазкур бо сабаби муносибат доштанаш бо ҳамсари яке аз онҳо дарафтодаанд”, - таъкид намудааст манбаъ.

Сипас, бародарон аз ҳиссиёти рашк марди 44-соларо зери луту кӯб қарор додаанд, ки дар натиҷа ҷабрдида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст. 

Нож в руке - Sputnik Тоҷикистон
Як марди тоҷик дар Русия аз рашк зану фарзанд кушт

Ҳодисаи дигар рӯзи 5-уми феврали соли равон, дар ҷамоати деҳоти Ортиқови шаҳри Конибодом рух додааст.

Бино бар иттилои манбаъ, тахминан соати 14:00-дақиқа, марди 50-солаи сокини ҷамоати деҳоти Ортиқови шаҳри Конибодом, дар ҳолати мастӣ, дар хонаи истиқоматиаш аз ҳиссиёти рашк бо ҳамсараш, зани 46-сола ҷангу ҷанҷол карда, бо корди хоҷагии дар дасташ буда, 3-маротиба ба қисмати дили ҳамсараш задаст. 

Дар натиҷа, ҳамсараш ҷароҳати вазнини ҷисмонӣ бардошта, дар ҷои ҳодиса ба ҳалокат расидааст. 

Номбурда аз ҷониби кормандони милитсия ҳамчун гумонбар дар содир намудани ҷинояти одамкушӣ дастгир гардида, нисбаташ парвандаи ҷиноятӣ оғоз гардидааст.

Дар ҳоли ҳозир кормандони милитсия нисбати ҳолатҳои мазкур тафтишотро идома доранд.

Лентаи хабарҳо
0