ДУШАНБЕ, 11 фев — Sputnik. Бино ба иттилои дафтари матбуоти Вазорати умури дохилаи Тоҷикистон, кормандони милитсия зимни доир намудани чорабиниҳои оперативӣ марди 32-солаи сокини шаҳри Конибодомро бо гумони қаллобӣ дастгир намуданд.
Бино бар иттилои манбаъ, номбурда, рӯзи 2-юми декабри соли 2018 бо роҳи фиреб ба боварии марди 48-солаи сокини шаҳри мазкур даромада, бо баҳонаи он, ки хонаи истиқоматиашро ба номи ӯ ҳуҷҷатгузорӣ менамояд, аз вай 130 000-рубли русӣ ва 4000-доллари амрикоӣ гирифта, то ҳол барнагардонидааст.
Кормандони милитсия Конибодом нисбати марди 32 сола парвандаи ҷиноятӣ бо моддаи 247 қисми 4 Кодекси ҷиноятии Тоҷикистон оғоз карда, тафтишотро идома доранд.
