Пограничник на смотровой вышке на границе Кыргызстана. Архивное фото - Sputnik Тоҷикистон
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

"Қудратиҳои қирғиз нагузоштанд, мошини Салиби Сурх ба Ворух доруворӣ барад"

© Sputnik / Максим Богодвид / Гузариш ба медиабонкАвтомобиль скорой помощи, архивное фото
Автомобиль скорой помощи, архивное фото - Sputnik Тоҷикистон
Обуна шудан
Низомиёни қирғиз мошини Салиби Сурхро, ки ҳомили дору ва лавозимоти тиббӣ будааст, нагузоштаанд ба Ворух равад

ДУШАНБЕ, 17 мар — Sputnik. Ҷониби Тоҷикистон мегӯяд, қудратиҳои қирғиз барои ҳаракати мошини созмони Салиби Сурх ба деҳаи дар муҳосирамондаи Ворух монеъ шудаанд.

Здание парламента Республики Таджикистан, архивное фото - Sputnik Тоҷикистон
Вакилзани тоҷик ба марз бо Қирғизистон рафт: парлумон гуфт, хомӯш нест

Ба иттилои масъулини шаҳри Исфара, мошини Салиби Сурх, ки ҳомили лавозимоти тиббӣ барои осебдидагони таниши ахири марзӣ дар деҳаи Ворух будааст, аз нисфирӯзи 16 март дар деҳаи Хоҷа Аълои Тоҷикистон дармондааст ва қудратиҳои қирғиз иҷозати ҳаракати онро сӯи Ворух то ҳол надодаанд.

Ҷониби Қирғизистон ин амали низомиёнашро то ҳол шарҳ надодааст. Салиби Сурх созмони башардӯстонае мебошад, ки бар пояи меъёрҳои бетарафию беғаразӣ ба осебдидагони даргириҳо кумак мерасонад.

Дар ҳамин ҳол музокироти навбатӣ бо ҳузури ноибони сарвазирони ду кишвар, вазирони умури дохилӣ, додситонҳои низомӣ ва фармондеҳони мақомоти марзбонӣ ба анҷом расид. Дар бораи тавофуқоти ҳосилшуда то ҳол хабаре нест, аммо сокинони навоҳии наздимарзӣ мегӯянд, роҳ аз Исфара ба Ворух, ки тариқи Оқсойи Қирғизистон мегузарад, ҳанӯз баста мебошад.

Участки праздника в День национального головного убора ак калпака в Бишкеке - Sputnik Тоҷикистон
Қирғизистон сокинони ду деҳаи назди марзи Тоҷикистонро ба Ботканд кӯчонд

Таниш дар сарҳади Тоҷикистону Қирғизистон шоми 13 март баъди он сар шуд, ки ба гуфтаи мақомоти тоҷик ҷониби Қирғизистон бархилофи созишҳои қаблӣ сохтмони роҳи баҳсиро оғоз кард ва ин боиси норозигии шаҳрвандони Тоҷикистон гардид.

Бино бар иттилои расмӣ, дар ин задухӯрдҳо ду шаҳрванди Тоҷикистон кушта ва бештар аз 20 нафар маҷрӯҳ шудаанд. Аз ҷониби Қирғизистон ба иттилои мақомоти ин кишвар 3 нафар осеб дидаанд.

Лентаи хабарҳо
0