ДУШАНБЕ, 21 мар - Sputnik. Дар ноҳияи Узгени шаҳри Ош писари 12-сола тасодуфан ба сари бародари 14-солааш тир холӣ кардааст.
Дар ин бора Sputnik Қирғизистон бо такя ба хадамоти матбуотии Вазорати корҳои дохилии вилояти Ош хабар медиҳад.
Ба гуфти сухангӯи хадамоти ВКД, Жениш Ошурбоева, фоҷиа шоми 20 март ба вуқӯъ пайвастааст. Тир ба сари писар задаасту ӯ дар ҷои ҳодиса кушта шудааст.
Милиса аз дасти писар силоҳи 16-калибриро гирифтааст.
Бино ба иттилои мақомоти дохилӣ, ин силоҳ ба номи писари 21-сола, мизбони хона сабт шудааст.
Қайд мешавад, ки қоидаи нигоҳдории силоҳ риоя нашудааст. Аз рӯи ин қазия тафтишот идома дорад.
Истифодаи силоҳ ба марзбонон мамнӯъ шуд: дар сарҳади Тоҷикистону Қирғизистон
Мақомоти корҳои дохилӣ аз шаҳрвандон даъват мекунад, ки қоидаи нигоҳдории силоҳро риоя кунанд.
