"Ду устоди Донишкадаи исломии Тоҷикистон ба иттиҳоми ришваситонӣ дастгир шуданд"

© Sputnik / Екатерина Чеснокова / Гузаштан ба хазинаи аксСтудентка в аудитории Московского педагогического государственного университета, архивное фото
Студентка в аудитории Московского педагогического государственного университета, архивное фото - Sputnik Тоҷикистон
Дар ҳоли ҳозир бо ташкили парвандаи ҷиноӣ алайҳи ин ду нафар ба иттиҳоми дарёфти ришва ва таҳияи асноди тақаллубӣ ва муҳру имзои сохтагӣ, баррасии ин моҷаро оғоз шудааст

ДУШАНБЕ, 28 мар — Sputnik. Хабаргузории "Парс тудэй" дар истинод ба расонаҳои Тоҷикистон менависад, ки ду кормандони Донишкадаи исломии Тоҷикистон ба иттиҳоми ришваситонӣ дастгир шуданд.

Ба иттилои манбаъ, кумитаи дини кишвар ин хабарро таъйид кардааст.

"Мақомоти ин кумита гуфтаанд, ки Абдуссамад Яҳёев, мудир (декан) - и бахши исломшиносӣ ва Наҷмиддин Самиев, масъули умури озмуни ин донишкада ба иттиҳоми дарёфти маблағи наздик ба 70 ҳазор доллар аз 22 довталаби вуруд ба ин маркази омӯзишӣ, бидуни мушорикати онон дар озмуни саросарии вуруд ба донишгоҳҳои Тоҷикистон, боздошт шудаанд", - менависад хабаргузорӣ.

Сотрудники милиции в Душанбе, архивное фото - Sputnik Тоҷикистон
Боздошти боз як корманди пулиси Тоҷикистон барои гирифтани ришва

Дар ҳоли ҳозир бо ташкили парвандаи ҷиноӣ алайҳи ин ду нафар ба иттиҳоми дарёфти ришва ва таҳияи асноди тақаллубӣ ва муҳру имзои сохтагӣ, баррасии ин моҷаро оғоз шудааст.

Дар Тоҷикистон аз соли 2015 бояд тамоми довталабони вуруд ба донишгоҳҳо ва омӯзишгоҳҳои ин кишвар дар озмуни саросарӣ, ки аз сӯйи маркази воҳиди имтиҳонот баргузор мешавад, ширкат кунанд ва танҳо бо таъйиди ин марказ афроди пазиришшуда метавонанд дар марокизи омӯзишӣ машғул ба таҳсил шаванд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала