Ожонси зидди фасод раиси ҷамоати Чорсӯи шаҳри Ваҳдатро дастгир кардааст

© Sputnik / Амир ИсаевГород Вахдат. Архивное фото
Город Вахдат. Архивное фото - Sputnik Тоҷикистон
Обуна шудан
Ожонси мубориза бо фасод дар Тоҷикистон аз дастгир шудани Баҳромҷон Раҳимов, раиси ҷамоати Чорсӯи шаҳри Ваҳдат хабар дод

ДУШАНБЕ, 5 апр - Sputnik.  Тибқи иттилои Ожонс,  Баҳромҷон Раҳимов дар заминфурӯшӣ бо роҳи қаллобӣ муттаҳам мешавад.

Рахмон Юсуф Ахмадзод генеральный прокурор РТ, архивное фото - Sputnik Тоҷикистон
Парвандаи ҷиноӣ алайҳи 22 мансабдори тоҷик барои нарасидан ба доди мардум

Манбаъ мегӯяд, 28 январи соли равон, ба Ожонс шаҳрванд “А” муроҷиат карда, арз доштааст, ки Раҳимов аз ӯ барои ҷудо намудани замини наздиҳавлигӣ дар ҷамоати Чорсӯ 5 ҳазор сомонӣ талаб дорад.

“Дар ҳамин асос, худи ҳамон рӯз нисбати раиси Ҷамоати деҳоти Чорсӯи шаҳри Ваҳдат Раҳимов Баҳромҷон бо моддаи 247 қисми 2 КҶ Ҷумҳурии Тоҷикистон парвандаи ҷиноятӣ оғоз карда шуда, номбурда баъди аз шаҳрванд “А” гирифтани 5000 сомонӣ дастгир шуд. Маблағи зикршуда аз ӯ ҳамчун далели шайъӣ ёфта гирифта шуд”, - омадааст дар иттилояи Ожонси зидди фасод.

Манбаъ такъид кард, ки феълан тафтиши пешакии парвандаи ҷиноӣ алайҳи Раҳимов идома дорад.

Ин дар ҳолест, ки заминфурӯшӣ дар Тоҷикистон аз ҷумлаи ҷиноятҳои густурда арзёбӣ мешавад ва раисиҷумҳур Эмомалӣ Раҳмон аввали соли равон барои пурзӯр намудани мубориза бо ин зуҳурот дар Додситонии кул, раёсати махсусро ташкил дод.

Лентаи хабарҳо
0