Мақомоти Суғд Ситоди вилоятии “Тобистон-2019” таъсис дод

© Sputnik / Стас ЭтвешБаза отдыха в Гулистоне, архивное фото
База отдыха в Гулистоне, архивное фото - Sputnik Тоҷикистон
Обуна шудан
Ҳукумати вилояти Суғд дар сатҳи зарурӣ омода кардани иншоотҳои истироҳатию солимгардонӣ ташкили истироҳати кӯдакону наврасон дар мавсими тобистон ситоди вилоятии “Тобистон-2019” таъсис дод

ДУШАНБЕ, 9 апр - Sputnik. Бино бар иттилои дафтари матбуоти ҳукумати вилояти Суғд, бо мақсади дар сатҳи зарурӣ омода кардани иншоотҳои истироҳатию солимгардонӣ, ташкили истироҳати кӯдакону наврасон дар мавсими тобистони соли равон  бо қарори Раиси вилояти Суғд Ситоди вилоятии “Тобистон-2019” таъсис дода шуд.

Хлопок, архивное фото - Sputnik Тоҷикистон
Ҳама ба пахтачинӣ: дар вилояти Суғд барои ғуну чини пахта ситод ташкил шуд

Манбаъ қайд намудааст, ки ба ҳайати Ситоди вилоятии “Тобистон-2019” шахсони масъул аз ҳисоби муовини Раиси вилоят, мудирони бахшу шуъбаҳо ва раёсатҳои мақомоти иҷроияи ҳокимияти давлатии вилоят шомил мебошанд.

Манбаъ таъкид намудааст, ки тибқи қарори Раиси вилоят “Дар бораи ташкили истироҳати тобистонаи кӯдакон ва наврасон дар соли 2019” раисони шаҳру ноҳияҳо вазифадор карда шуданд, ки то 20 майи соли равон таъмиру сохтмон, муҷаҳҳазгардонии биноҳо, майдончаҳои варзишӣ ва ҳавзҳои шиноварӣ, кабудизоркуниро дар истироҳатгоҳҳои беруназшаҳрӣ, варзишӣ ва солимгардонӣ ба анҷом расонида шаванд.

Раисони шаҳру ноҳияҳо ҳамзамон вазифадор шуданд, истироҳатгоҳҳоро бо мутахассисон таъмин намуда, ба кӯдакону ятиму бепарастор ва кӯдакон аз оилаҳои камбизоат роҳхатро пешниҳод карда шавад.

Лентаи хабарҳо
0