ДУШАНБЕ, 10 апр - Sputnik. Тибқи иттилои Кумитаи миллии олимпии Тоҷикистон, футболбозони навраси тоҷикистонӣ дар даври ниҳоӣ бо тими наврасони кишвари мизбон – Чин бозиро мусовӣ – 0:0 анҷом доданд.
Шогирдони Аҳлиддин Турдиев дар ду даври аввал бар тими наврасони Қирғизистон - 8:0 ва Миёнмор - 5:0 пирӯз шуда буданд.
Мусобиқаи байналмилалии “Silk Road – Hua Shan Cup-2019” дар шаҳри Вэйнани Чин барои тими мунтахаби наврасони мо як марҳилаи омодагӣ ба мусобиқаи интихобии Чемпионати Осиё-2020, ки моҳи сентябр доир мегардад, ба ҳисоб мерафт.
Дар сабқат бо Қирғизистон голҳоро Муҳамадворис Сайдалиев, Абдуфаттоҳ Худойдодзода, Кабир Салимшоев, Раҳматшо Раҳматзода ва дар бозӣ бо Миёнмор голҳоро Хусрав Тоиров, Меҳрубони Абдурауф, Муҳаммадворис Сайдалиев, Абдулфаттоҳ Худойдодзода, Муҷовид Шовайсудинов ба ҳадафҳо расонданд.
