Расиши ноқилҳо набудаст: Ҳукумати Душанбе сабаби таркишро гуфт

© МВД РТРезультат короткого замыкание в Душанбе
Результат короткого замыкание в Душанбе  - Sputnik Тоҷикистон
Обуна шудан
Шаҳрдории Душанбе мегӯяд, сӯрохӣ дар қубури фарсудаи газ боиси садама дар кӯчаи Аҳмади Дониши пойтахт шудааст

ДУШАНБЕ, 25 апр - Sputnik. Ҳукумати пойтахт аз қавли ҷамъияти "Душанбегаз" иттилоъ дод, ки 24 апрели соли 2019, соати 21:00 дар қубури газгузари Д-133, воқеъ дар кӯчаи Аҳмади Дониши ноҳияи Шоҳмансур садама рух дод.

Машины милиции в Душанбе, архивное фото - Sputnik Тоҷикистон
Супориши қатли Ятимов, таркондани ВУД ва хонасӯзии Муҳиддинов: пешгирии террор дар Душанбе

Манбаъ афзуд, ки пайомадҳои садама дар як муддати кӯтоҳ бартараф карда шуданд.

“Мутахассисони соҳа сабаби сар задани садамаро дар сӯрох гардидани қубури газгузар маънидод намудаанд”, - омадааст дар иттилоия.

Шаҳрдории Душанбе таъкид кардааст, ки қубурҳои газгузар дар ин минтақа аз соли 1974  инҷониб мавриди истифодабарӣ  қарор доранд ва бар асари садама касе осеб надидааст.  

Вазорати  умури дохилии Тоҷикистон қаблан иттилоъ дод, ки дар натиҷаи боришоти зиёди борон яке аз чоҳҳои амудӣ пур аз об шуда,  ба ноқилҳои баландшиддати қувваи барқ, ки аз зери замин мегузаштанд об расида, расишҳои кӯтоҳи барқӣ ба амал омад.

Манбаъ изҳор дошта буд, ки дар пайи ин садама  5 метр роҳи пиёдагард хароб шуда, ягон нафар аз шаҳрвандон ҷароҳат набардоштааст.

Лентаи хабарҳо
0