Садамаи маргбор: “Опел-Астра” чаппа шуд ронанда ва мусофир ба ҳалокат расиданд

© ОтырарАвария в Туркестанской области
Авария в Туркестанской области - Sputnik Тоҷикистон
Обуна шудан
Дар натиҷаи садама дар ҳудуди ҷамоати деҳоти Истиқлоли ноҳияи Спитамен ронадаи мошини “Опел-Астра” ва мусофири он ба ҳалокат расидаанд

ДУШАНБЕ, 30 апр — Sputnik. Дар натиҷаи чаппа шудани мошини “Опел-Астра” дар ҳудуди ҷамоати деҳоти Истиқлоли ноҳияи Спитамен дар шоҳроҳи Душанбе-Хуҷанд-Чанок”  ду нафар ба ҳалокат расидааст, иттилоъ додааст дафтари матбуоти Вазорати умури дохилаи Тоҷикистон.

Машина милиции в Таджикистане, архивное фото - Sputnik Тоҷикистон
Садамаи маргбор: дар роҳи Душанбе-Кӯлоб се "Опел-Астра" бархӯрданд

Бино ба иттилои манбаъ, рӯзи 29-уми апрели соли равон, тахминан соати 04:40-дақиқа, ронандаи мошини “Опел-Астра”, Юсупов Хусрав Зокирҷонович, соли таваллудаш 1995, сокини ноҳияи Шаҳристон, ҳангоми ҳаракат дар шоҳроҳи “Душанбе-Хуҷанд-Чанок”, дар ҳудуди ҷамоати деҳоти Истиқлоли ноҳияи Спитамен аз ӯҳдаи идораи воситаи нақлиёт набаромада, машинашро чаппа намудааст. 

Манбаъ қайд намудааст, ки дар натиҷа, ронанда Юсупов Х.З. ва мусофири автомашинаи мазкур Аминов Баҳром Обидович, соли таваллудаш 2000, донишҷӯи соли 1-уми Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд, сокини ноҳияи Шаҳристон, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

Дар ҳоли ҳозир кормандони милитсияи Тоҷикистон ҳодисаи мазкурро мавриди таҳқиқ қарор доданд. 

Лентаи хабарҳо
0