Сироҷиддин Муҳриддин бо Вазири нерӯи Эрон чиро баррасӣ кард?

© МИД РТВохӯрии Вазири корҳои хориҷии Тоҷикистон бо Вазири нерӯи Эрон
Вохӯрии Вазири корҳои хориҷии Тоҷикистон бо Вазири нерӯи Эрон - Sputnik Тоҷикистон
Вазири корҳои хориҷии Тоҷикистон Сироҷиддин Муҳриддин бо Вазири нерӯи Эрон Ризо Ардакониён дар бораи пружаҳои муштараки ду кишвар, аз ҷумла Сангтӯда-2, нақби Истиқлол ёдовар шуданд

ДУШАНБЕ, 1 июн — Sputnik.  Ахиран Вазири корҳои хориҷии Тоҷикистон Сироҷиддин Муҳриддин дар доираи сафари расмӣ ба Эрон бо Вазири нерӯи Эрон, раиси ҷониби эронии Комиссияи муштараки ҳамкориҳои тиҷоратӣ, иқтисодӣ, техникӣ ва фарҳангии Ҷумҳурии Тоҷикистон ва Ҷумҳурии Исломии Эрон Ризо Ардакониён дидору гуфтугӯ намуд.

Встреча Министра иностранных дел Республики Таджикистан с Министром иностранных дел Исламской Республики Иран - Sputnik Тоҷикистон
Дар Теҳрон мулоқоти Сироҷиддин Муҳриддин ва Ҷавод Зариф анҷом ёфт

Дар ин бора дафтари матбуоти Вазорати корҳои хориҷии Тоҷикистон хабар медиҳад.

Бино бар иттилои манбаъ, зимни мулоқот масоили вобаста ба вазъи кунунии муносибатҳои дуҷониба, аз ҷумла равобити тиҷоратию иқтисодӣ мавриди баррасӣ қарор гирифт.

“Тарафҳо дар бораи пружаҳои муштараки ду кишвар, аз ҷумла Сангтӯда-2, нақби Истиқлол ва ғайра ёдовар шуда, қайд карданд, ки бо таваҷҷуҳ ба зарфияту тавоноии мавҷудаи ду кишвар дар ҳавзаҳои мухталиф имкон дорад ҳамкориҳои беҳтаре роҳандозӣ гардад ва баҳраҳои мутақобили бештаре бардошта шавад”, - таъкилд намудааст манбаъ.

Ҳамчунин вазирони ду кишвар роҷеъ ба фаъолияти Комиссияи муштараки ҳамкориҳои тиҷоратӣ, иқтисодӣ, техникӣ ва фарҳангии Тоҷикистон Эрон табодули назар карданд ва аз баргузории нишасти ахири Кумитаи пайгирии иҷлоси 12-уми Комиссияи муштарак дар Теҳрон изҳори қаноатмандӣ намуданд.

Министр энергетики Ирана - Sputnik Тоҷикистон
Эрону Тоҷикистон вазъияти равобити дуҷонибаро баррасӣ намуданд

“Зимни ёдоварӣ аз баргузории иҷлоси 13-уми Комиссияи муштарак дар нимаи дуюми соли ҷорӣ, изҳори боварӣ шуд, ки он дар роҳи тавсеаи беш аз пеши ҳамкориҳои дуҷониба дар бахшҳои гуногун мусоидат хоҳад кард”,  -зикр намудааст манбаъ.

Ёдрас мешавем, ки имрӯз азири умури хориҷии Тоҷикистон Сироҷиддин Муҳриддин дар доираи сафари расмӣ ба Эрон бо ҳамтои эрониаш Ҷавод Зариф мулоқот анҷом дод.

Муҳаммад Ҷавод Зариф вазири умури хориҷаи Эрон ва Сироҷиддин Муҳриддин вазири умури хориҷаи Тоҷикистон дар дидор дар бораи робитаҳои дуҷониба ва таҳавулоти байналмиллалӣ табодули назар карданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала