ДУШАНБЕ, 7 июн — Sputnik. Грегуар Манжа, ҳомии ҳуқуқи Гулнора Каримова, духтари калонии собиқ раисҷумҳури Узбакистон Ислом Каримов аз Швейтсария, дар саҳифаи интернетиаш дар Twitter хабар додааст, ки ба зерҳимояи ӯ имкони табобат кардан намедиҳанд.
#Karimova If #Uzbekistan had applied the #HumanRights and #fairtrial standards, a solution would have been reached already, in the interest of all parties. By kidnapping GK in 2014, then judging her in 2015 in her kitchen (!), Uzbekistan did organise its own procedural defeats. pic.twitter.com/WStC1gNzg6
— Grégoire Mangeat (@GregoireMangeat) 6 апреля 2019 г.
Вай қайд кардааст, ки баъди охирон мулоқот бо Гулнора, зерҳимояашро аз табобатхонаи зиндон берун кардаанд. Грегуар Манжа ҳамчунин таъкид кардааст, табибонро ба назди Гулнора, ки ҳамеша зери фишорҳои равонӣ қарор доштааст, иҷозати даромадан намедиҳанд.
Ҳомии ҳуқуқ мегуяд, ки саломатии зерҳимояааш ӯро дар таҳлука андохтааст.
Дар аввали соли равон Додситони олии Узбакистон хабар дода буд, ки аз ҳабси хонагӣ дубора ба зиндон равон карданд. Сабаб ин аз ҷониби Гулнора вайрон намудани низом ва шартҳои ҳабси хонагӣ будааст.
Ёдовар мешавем, ки дар соли 2015 Каримова зери ҳабс қарор гирифт. Додгоҳ ӯро бо ҷурми ришваситонӣ ва насупоридани боҷи давлатӣ ба муҳлати 5 сол ҳабси хонагӣ карда буд. Ғайр аз ин то ҳол тафтишоти парвандаи ҷиноии Каримова аз рӯи дигар амалҳои ҷиноӣ идома дорад.
Бояд қайд кард, ки дар моҳи декабри соли 2017 Вазорати молияи Амрико номи Гулнораро ба рӯйхати таҳримшудагон оид ба “қонуни глобалии Магнитский” ворид карда буд.
Он вақт Вазорати молия тасдиқ карда буд, ки Каримова ташкилоти ҷиноии “синдикат”-иеро роҳбарӣ мекардааст.
