Пулҳоро дар сандуқ нигоҳ надоред: 6000 сомонии зани 50-соларо дар Рашт наврасе рабуд

Писарбачаи 16-сола ба дуздии 6000 сомонӣ муттаҳам мешавад. Ӯ аз сандуқи як зани 50-сола дар Рашт маблағҳоро рабудааст

ДУШАНБЕ, 8 июн — Sputnik. Дар ноҳияи Рашт аз санбуқи зане 6000 сомониашро рабуданд, хабар медиҳад ВУД Тоҷикистон.

Бино бар иттилои манбаъ, зани 50-солаи сокини деҳаи Кадараи ноҳияи мазкур муроҷиат намудааст, ки рӯзи 3-юми июни соли 2019, тахминан соати 21:30-дақиқа, шахсони номаълум бо тариқи пинҳонӣ ба хонаи истиқоматиаш даромада, аз дохили сандуқи чӯбин 6000-сомониро дуздида, аз ҷойи ҳодиса ғайб задаанд. 

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғ, писарбачаи 16-солаи сокини деҳаи Кадара бо гумони дуздӣ дастгир карда шуд.
Нисбати ноболиғи мазкур парвандаи ҷиноятӣ бо моддаи 244 қисми 2, бандҳои “а, в, г” оғоз карда шуда, тафтишот идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала