Ҳама ба футбол: Раҳмон дар Тавилдара майдончаи варзишӣ ифтитоҳ кард

© пресс-служба главы РТЭмомали Рахмон в Раштском районе
Эмомали Рахмон в Раштском районе - Sputnik Тоҷикистон
Обуна шудан
Майдончаи варзишӣ барои бозиҳои футбол, волейбол ва баскетбол пешбинӣ гардида, на танҳо барои хонандагони мактаб, балки барои дигар ҷавонони деҳаи Тавилдара ҷои машқ хоҳад шуд

ДУШАНБЕ, 24 июн — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар ноҳияи Сангвор нахуст майдончаи варзишии мактаби рақами 1-ро ба баҳрабардорӣ расонд.

Бино ба гузориши манбаъ, майдончаи варзишӣ дар масоҳати 540 метри мураббаъ сохта шудааст.

Дар дабистони рақами 1-и ноҳияи Сангвор 450 нафар хонанда дар ду баст ба таълим фаро гирифта шудааст ва аз надоштани майдончаи муосири обу тоби бадан то ба имрӯз маҳрум буданд.

"Майдончаи варзишӣ барои бозиҳои футбол, волейбол ва баскетбол пешбинӣ гардида, на танҳо барои хонандагони мактаб, балки барои дигар ҷавонони деҳаи Тавилдараи деҳоти Тавилдараи ноҳияи Сангвор метавонанд машқ кунанд",-омадааст дар хабарнома.

Президент Таджикистана Эмомали Рахмон прилетел в Москву - Sputnik Тоҷикистон
Эмомалӣ Раҳмон барои таҷлили Ваҳдати миллӣ ба водии Рашт рафт

Эмомалӣ Раҳмон зимни ошноӣ бо шароити майдончаи варзишӣ ва суҳбат бо масъулин ба сифати корҳои анҷомшуда баҳои баланд дода, ҷавонону наврасонро ба истифодаи пурсамар аз ин шароиту имконот ҳидоят карданд.

Ба гузориши котиботи раисиҷумҳур, дар доираи омодагиҳои ҳамаҷониба ба истиқболи сазовор аз 30-солагии Истиқлолияти давлатии Ҷумҳурии Тоҷикистон дар 4 деҳоти ноҳияи Сангвор бунёди 4 майдончаи варзишии дигар ба нақша гирифта шудааст.

Лентаи хабарҳо
0