Паёми ҳамдардии Раҳмон ба Тоқаев дар робита ба таркишҳои Арис

© © Скрин видео YouTubeЧрезвычайная ситуация объявлена в Туркестанской области после взрывов
Чрезвычайная ситуация объявлена в Туркестанской области после взрывов - Sputnik Тоҷикистон
Обуна шудан
Yandex newsTelegram
Эмомалӣ Раҳмон, раисиҷумҳури Тоҷикистон ба ҳамтои қазоқистонияш, Қосим – Жомарт Тоқаев паёми тасаллият фиристодааст

ДУШАНБЕ, 27 июн — Sputnik. Тибқи иттилои дафтари матбуоти раисиҷумҳури Қазоқистон, Эмомалӣ Раҳмон ба Тоқаев дар робита ба фоҷиа дар шаҳри Арис изҳори ҳамдардӣ кардааст.

Здания разрушены, город эвакуирован: последствия взрывов в Арыси - Sputnik Тоҷикистон
Таркишҳо шаҳри Ариси Қазоқистонро ба чӣ табдил доданд? - видео

Раисиҷумҳури Тоҷикистон таъкид кардааст, аз таркишҳо дар шаҳри Арис, ки талафоти ҷонию хисороти зиёди моддӣ дар пай доштааст, андуҳгин мебошад.

“Аз номи худам ва аз номи мардуми Тоҷикистон ҳамдардиро ба Шумо ва наздикони ҳалокшудагон баён карда, барои маҷруҳон шифои оҷилро хоҳонам”, - изҳор доштааст Эмомалӣ Раҳмон.

Раисиҷумҳури Тоҷикистон инчунин чорабиниҳои фаврии Ҳукумати Қазоқистон ва хадамоти махсуси ин кишварро дар кӯчондани аҳолию бартараф кардани оқибатҳои ин фоҷиа махсус таъкид кардааст.

Силсилаи таркишҳо рӯзи душанбе, 24 июн дар яке аз анборҳои аслиҳаи Қазоқистон, ки дар наздикии минтақаи аҳолинишини шаҳри Арис ҷойгир аст, ба амал омаданд.

Самолет авиакомпании Аэрофлот Superjet 100, вернувшийся во время рейса Москва - Мурманск в аэропорт Шереметьево из-за возгорания на борту - Sputnik Тоҷикистон
Паёми Эмомалӣ Раҳмон ба Путин ва наздикони ҳалокшудагон дар Шереметово

Пас аз ин ҳодиса дар шаҳр ҳолати фавқуллода эълом шуду мардуми осоишта ба ҷойҳои бехавф кӯчонида шуданд.

Дар шаҳри Арис 43 ҳазор кас ба сар мебарад. Ин шаҳр 85 километр дуртар аз Шимкент ва 168 километр дуртар аз Туркистон воқеъ аст.

То кунун аз ҳалокати се кас гузориш дода шудааст. Гузориш дода шудааст, ки дар паи таркишҳо 89 кас захмӣ шуда дар бемористон бистариянд. Аз ин ҳисоб аҳволи 15 кас вазнин арзёбӣ шуда, онҳо дар шуъбаи эҳё қарор доранд.

Лентаи хабарҳо
0