Боздошти Умедаи 25-сола бо иттиҳоми қатли ваҳшиёнаи Ҷамила

© МВД РТУмеда Гафурова, подозреваемая в убыйстве Джамиля Вохидова в районе Ёвон
Умеда Гафурова, подозреваемая в убыйстве Джамиля Вохидова в районе Ёвон - Sputnik Тоҷикистон
Обуна шудан
НовостиTelegram
Вазорати умури дохилии Тоҷикистон аз боздошти муттаҳам дар қатли ваҳшиёнаи Ҷамила Воҳидова дар ноҳияи Ёвон хабар дод

ДУШАНБЕ, 4 июл — Sputnik. Тибқи иттилои ВУД, маъмурини милиса Умеда Ғаффурова, сокини 25-солаи ноҳияи Ёвонро дастгир кардаанд, ки дар куштори ваҳшиёнаи Ҷамила Воҳидова, сокини дигари ин ноҳия айбдор мешавад.

Нож, архивное фото - Sputnik Тоҷикистон
Ҳодисаи маргбор: мард дар ҳолати мастӣ шавҳари хоҳарашро корд зада кушт

“Воҳидова Ҷамила Артеловна санаи 3-юми июли соли равон бо як бераҳмии махсус дар назди даромадгоҳи бинои истиқоматиаш, воқеъ дар ҷамоати шаҳраки Ҳаёти нав, бо истифода аз корди ошхонагӣ ба ҳалокат расонида шуда буд”, - омадааст дар иттилоияи ВУД.

Манбаъ таъкид кард, ки муттаҳам Ғафурова Умеда, соли таваллудаш 1994, зода ва истиқоматкунандаи ноҳияи Ёвон, ҷамоати Обшорон мебошад, ки аз рӯи хусумати шахсӣ даст ба куштор задааст.

ВУД илова кард, ки феълан алайҳи Ғафурова аз ҷониби додситонии ноҳияи Ёвон бар асоси моддаи 104-и Кодекси ҷиноятии Тоҷикистон парванда оғоз гардида, тафтишот идома дорад.

Лентаи хабарҳо
0