Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред
Фармон, амр ва қарорҳои тозатарини Эмомалӣ Раҳмон

Бо амру фармони раисиҷумҳур ва қарорҳои тозатарини Ҳукумати Тоҷикистон, ки президент, Эмомалӣ Раҳмон имзо кардааст, метавонед дар бахши вижаи Sputnik Тоҷикистон шинос шавед.

Амри раисиҷумҳур: вазирону раисон сар аз 15 июл ба рӯзноманигорон ҳисобот медиҳанд

Нишастҳои матбуотии роҳбарони идораҳои давлатии Тоҷикистон аз 15-уми июл оғоз шуда, то 2 август идома хоҳанд дошт

ДУШАНБЕ, 11 июл — Sputnik. Бар асоси нақшаи тасдиқкардаи Дастгоҳи иҷроияи раисиҷумҳури Тоҷикистон, аз 15 июл то 2 август вазирон ва раисони дигари идораҳои давлатӣ аз ҷамъбасти нимсолаи аввали соли равон ба рӯзноманигорон гузориш медиҳанд.

Микрофоны на трибуне - Sputnik Тоҷикистон
Тафсилоти суолу ҷавоб бо вазир: аз роҳҳои пулакӣ то нақшаҳои Ҳукумат ва ниҳоди нав дар Чин

“Зимни нишастҳои матбуотие, ки ҳар рӯзи корӣ аз ҷониби якчанд вазорату идораҳо баргузор мешаванд, намояндагони воситаҳои ахбори омма имконият доранд ба саволу пурсишҳояшон ҷавоб гиранд”, - хабар додааст “Ховар”.

Манбаъ афзудааст, ки масъулини вазорату кумитаҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, метавонанд бо рақамҳои 221-34-24, 888-08-34-04 занг зада, вақти баргузории нишастҳои матбуотиро дар толори Маркази матбуоти ҷумҳуриявӣ мувофиқа намоянд.

Эълонҳо дар бораи вақт ва макони баргузории нишастҳои матбуотӣ ба забонҳои тоҷикӣ ва русӣ тариқи хабаргузории “Ховар” нашр карда мешаванд.

Нишастҳои матбуотӣ мутобиқи амри раисиҷумҳури Тоҷикистон аз 15 сентябри соли 2011 баргузор мегарданд ва феълан соле ду бор дар ҷамъбасти фаъолияти шашмоҳа ва яксола баргузор мешаванд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала