Ҷазои Нурхонов барои пулгирӣ аз ҷавони бемор бо ваъдаи халосӣ аз хизмат

Додгоҳи низомии гарнизони Душанбе Исфандиёр Нурхонов, собиқ корманди комиссариати ҳарбии ноҳияи Синоро дар қаллобӣ гунаҳкор дониста, ба андозаи 20 ҳазору 75 сомонӣ ҷарима бастааст

ДУШАНБЕ, 12 июл — Sputnik. Тибқи иттилои додгоҳ, Нурхонов нисфирӯзи 18-уми апрели соли 2019, дар пеши комиссариати ҳарбии ноҳияи Сино аз шаҳрванд Каримов Акбар барои аз хизмати ҳарбӣ озод намудани бародари бемораш Каримов Далер 3000 сомонӣ гирифтааст.

Президент Таджикистана Эмомали Рахмон - Sputnik Тоҷикистон
Тағйироти кадрӣ: Раҳмон мансабдорони мақомоти судиро ҷо ба ҷо кард

Баъдан Нурхонов ба комиссариати ҳарбии мазкур даромада, ба Каримов ваъда додааст, ки то бегоҳии он рӯз бародарашро ҷавоб медиҳанд.

Додгоҳ афзуд, ки Каримов барои муоинаи иловагии меъда равон карда шуд ва дар натиҷа маълум шудааст, ки ӯ дар ҳақиқат бемории “реши пиёзаки рудаи дувоздаҳангушта” дошта, бо ин беморӣ ғайриқобили хизмат мебошад.

Ба иттилои манбаъ, Нурхонов бо мақсади ба даст овардани маблағи муфт, бо роҳи фиреб ва сӯистифодаи боварӣ аз шаҳрванд Каримов 3000 ҳазор сомониро гирифта, ягон амали ваъдакардагиашро иҷро накардааст.

Додгоҳи низомии гарнизони Душанбе Нурхонов Исфандиёр Хуршедовичро дар қаллобӣ гунаҳкор дониста, ба андозаи  365 нишондиҳанда барои ҳисобҳо,  баробар ба 20 ҳазору 75 сомонӣ ҷарима бастааст, аммо аз ҳуқуқи ишғоли мансабҳои муайян ё машғул шудан ба фаъолияти муайян маҳрум накардааст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала