ДУШАНБЕ, 19 июл – Sputnik. Бегоҳии имрӯз дар бозии ниҳои мусобиқаи байналмилалии Ҷоми байниминтақавии чемпионҳо, дастаи миллии Тоҷикистон бо Кореяи Шимолӣ рақобат мекунад.
Бозии ҳалкунанда соати 19:30 бо вақати Тоҷикистон дар шаҳри Аҳмадободи Ҳиндустон баргшузор мегардад
Бояд зикр кард, ки бозии охирини марҳилаи гурӯҳии Мусобиқаи байналмилалии Ҷоми байниминтақавии чемпионҳо, байни дастаҳои футболи мунтахаби Ҳиндустон ва Сурия 16 июли соли ҷорӣдар шаҳри Аҳмадободи Ҷумҳурии Ҳиндустон баргузор шуда, бо ҳисоби мусовии 1:1 ба анҷом расид.
Баъд аз анҷоми ин рақобат ҳарифи дастаи мунтахаби Тоҷикистон дар бозии ниҳоии Мусобиқаи байналмилалии байниминтақавии қаҳрамонҳо-2019 маълум гардид
Тоҷикистон мизбони чемпионати футболи Осиёи Марказӣ мешавад
Ёдовар мешавем, ки 15 июли соли равон дар шаҳри Аҳмадободи Ҷумҳурии Ҳиндустон дастаи мунтахаби футболи Тоҷикистон дар бозии охири марҳилаи гурӯҳии Мусобиқаи байналмилалии "Hero Interсontinental Cup 2019" аз дастаи мунтахаби Кореяи Шимолӣ бо ҳисоби 1:0 мағлуб гашт.
Ягона тӯбро дар дақиқаи 33-юми бозӣ Ри Ҷун ба дарвозаи Рустам Ятимов ворид намуд.
Аммо ин нокомӣ барои роҳ ёфтани дастаи мунтахаби Тоҷикистон ба бозии ниҳоӣ, ки интизор меравад 19 июли солиравон доир шавад, монеа нашуд.
Дар ду бозии қаблӣ футболбозони тоҷик бар дастаҳои мунтахаби Ҳиндустон (4:2) ва Сурия (2:0) ғалаба карда, 6 имтиёз ба даст оварданд.
