Дар Тоҷикистон ба арзиши 3,3 миллиард доллар лоиҳаҳо давлатӣ амалӣ мегарданд

© PixabayБанкноты США, архивное фото
Банкноты США, архивное фото - Sputnik Тоҷикистон
Аз 70 лоиҳа 12-тои онҳо тарҳҳои эътиборӣ буда, боқимонда бар асоси кумаки бебозгашт ва тамвили омехта амалӣ мегарданд

ДУШАНБЕ, 30 июл — Sputnik. Дар ҳоли ҳозир дар Тоҷикистон ба арзиши кулли 31,8 миллиард сомонӣ баробар ба 3,3 миллиард доллар лоиҳаҳои сармоягузории давлатӣ амалӣ мегарданд, иттилоъ додааст хабаргузории ТоҷикТА.

Маджлиси намояндагон Маджлиси Оли Республики Таджикистан - Sputnik Тоҷикистон
Тоҷикистон аз Олмон барои иҷрои чанд тарҳ беш аз 33 млн евро дарёфт мекунад

Бино ба иттилои кумитаи давлатии сармоягузорӣ ва мудирияти амволи давлатии Тоҷикистон, аз 70 лоиҳа 12-тои онҳо тарҳҳои эътиборӣ мебошанд. Тарҳҳои боқимонда бар асоси кумаки бебозгашт ва тамвили омехта амалӣ мегарданд.
Дар чорчӯби ин тарҳҳо аз оғози амалишавии онҳо то оғози моҳи июли соли ҷорӣ 15,9 миллиард сомонӣ ва ё 1,6 миллиард доллар аз худ карда шуд ва ин шумор 49,8 дарсади ҳаҷми кулли лоиҳаҳо мебошад.

Аз ҷумла, аз оғози сол 1,3 миллиард сомонӣ (137,8 миллион доллар) аз худ карда шуд.

Гуфта мешавад, ки бо сармоягузори мустақими хориҷӣ дар Тоҷикистон ширкати “Кока Кола напитки Таджикистана”, корхонаи ғанисозӣ ва фулӯзотии “Ширкати саноати кӯҳии Тоҷикистон ва Чин”, корхонаҳои “Хуаксин Ғаюр Симон”, “Чжунгсой Моҳир Симон”, ширкати фулӯзоти рангин ва корхонаи ғанисозии “Пакрут” ба баҳрабардорӣ расиданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала