Тоҷикистон - қаҳрамони CAFA-2019

© ФФТЮношеская сборная Таджикистана по футболу
Юношеская сборная Таджикистана по футболу - Sputnik Тоҷикистон
Обуна шудан
Тими наврасони Тоҷикистон бо ба даст овардани 13 хол ғолиби Қаҳрамонии СAFA-2019 гардиданд

ДУШАНБЕ, 2 авг — Sputnik. Дастаи мунтахаби наврасони Тоҷикистон бо роҳбарии сармураббӣ Аҳлиддин Турдиев дар бозии даври ниҳоии Қаҳрамонии Ассотсиатсияи футболи Осиёи Марказӣ бар тими Афғонистон бо ҳисоби 1:0 ғалаба карда, ғолиби мусобиқа шуданд.

Тими мунтахаби миллии Тоҷикистон дар риштаи футбол - Sputnik Тоҷикистон
Муборак: як қадами дигар то қаҳрамонӣ

Бар хабари кумитаи милли олимпии Тоҷикистон, бозӣ шоми дирӯз дар Варзишгоҳи марказии ҷумҳуриявӣ доир гардид. Голи ягонаро Абдуфаттоҳ Худойдодзода ба ҳадаф расонд.

Дар бозиҳои дигари даври панҷум Узбекистон ба дарвозаи Туркманистон 4 голи беҷавоб, Эрон ба дарвозаи Қирғизистон 5 голи беҷавоб заданд.
Ҳамин тариқ, тими наврасони Тоҷикистон бо ба даст овардани 13 хол ғолиби Қаҳрамонии CAFA-2019 шуданд.

Мавқеи Тоҷикистон дар радабандии ҷаҳонӣ муайян шуд

 Ҷои дуюмро бо 10 хол футболбозони Узбекистон ва мақоми сеюмро бо 9 хол футболбозони Эрон ба даст оварданд.
Тими наврасони Тоҷикистон бо роҳбарии сармураббӣ Аҳлиддин Турдиев дар чор даври қаблӣ бо Узбекистон мусовӣ (1:1) бозӣ карда, бар дастаҳои Қирғизистон (2:0), Туркманистон (3:0) ва Эрон (3:0) пирӯз шуд.

Сборная Таджикистана по футболу выступает в Петербурге - Sputnik Тоҷикистон
Ғалабаи дуюми футболбозони тоҷик дар Қаҳрамонии CAFA-2019

Баъд аз бозии Тоҷикистон ва Афғонистон дар Варзишгоҳи марказии ҷумҳуриявӣ бо иштироки президенти Ассотсиатсияи футболи Осиёи Марказӣ, президенти Федератсияи футболи Тоҷикистон, Рустами Эмомалӣ маросими ҷоизасупории мусобиқа доир гашт.

Ба ҳайати дастаи Эрон медалҳои биринҷӣ, ба тими Узбекистон медалҳои нуқра ва ба ҳайати дастаи мунтахаби Тоҷикистон медалҳои тилло ва ҷом тақдим шуд.
Ҳамлавари тими мунтахаби Тоҷикистон Муҳаммадворис Сайдалиев беҳтарин бозингари чемпионат, футболбози дастаи Афғонистон Аҳмад Закариё Ҳусайнӣ беҳтарин нишонзан эътироф шуданд.

Лентаи хабарҳо
0