Фармон, амр ва қарорҳои тозатарини Эмомалӣ Раҳмон

Бо амру фармони раисиҷумҳур ва қарорҳои тозатарини Ҳукумати Тоҷикистон, ки президент, Эмомалӣ Раҳмон имзо кардааст, метавонед дар бахши вижаи Sputnik Тоҷикистон шинос шавед.

Қарори Ҳукумат барои таъмини арзонии гӯшт: вазир гуфт, нарх бояд поин равад

© Фото : Страничка пресс-службы президента РТ на Facebook Заседание правительства Таджикистана 29 декабря 2014 года. Фото: пресс-служба президента РТ
Заседание правительства Таджикистана 29 декабря 2014 года. Фото: пресс-служба президента РТ - Sputnik Тоҷикистон
Ҳукумати Тоҷикистон барои ҷилавгирӣ аз гароншавии нархи гӯшт ва поин бурдани арзиши он дар бозорҳо қарори махсус барои ироаи сабукиҳоро қабул кардааст

ДУШАНБЕ, 3 авг - Sputnik. Неъматулло Ҳикматуллозода, вазири рушди иқтисод ва савдои Тоҷикистон болоравии нархи гӯштро ба афзоиши талабот ва гарон шудани нархи ғизои чорво рабт дод.

Президент Таджикистана Эмомали Рахмон в обращении к Парламенту  - Sputnik Тоҷикистон
Қиматфурӯшӣ баробари худкушист: Раҳмон ба тоҷирон аз оташи сӯзон ҳушдор дод

Ба гуфтаи вазир, нархи ҳайвоноти чорпои хонагӣ ба далели боло рафтани арзиши хӯроки чорво, аз ҷумла кунҷора афзоиш ёфтааст.

Ҳикматуллозода иттилоъ дод, ки дар пайи таҳлили вазъи бозор, Ҳукумати Тоҷикистон қарор кард, ки барои соҳибкорони ватанӣ зимни воридоти хӯроки чорво сабукиҳо ироа кунад. Бар асоси қарори Ҳукумат, ки аз 1 август мавриди амал қарор гирифтааст, хӯроки чорво ба кишвар бидуни пардохтҳои гумрукӣ ворид мегардад.

Вазир муътақид аст, ки ин иқдом барои поин бурдани нархи гӯшт дар бозорҳои Тоҷикистон мусоидат хоҳад кард.

Феълан килои гӯшт дар бозорҳои Тоҷикистон ҳудуди 50-55 сомонӣ нарх дорад.

Торговля на рынке Мехргон - Sputnik Тоҷикистон
Нигаронии Зокирзода аз нархи осмонии меваю сабзавот дар Бадахшон

Изатулло Сатторӣ, вазири кишоварзии Тоҷикистон қаблан зимни нишасти матбуотӣ гуфт, гӯшт дар бозорҳо ҳаст, аммо нарх каме боло рафтааст. Вазири кишоварзӣ болоравии нархи гӯштро ба афзоиши талабот ва хуб шудани вазъи мардум рабт дод.

“Вазъи некуаҳволии мардум хуб шудааст. Вақте вазъи некуаҳволӣ хуб шуд, мо ба маҳсулоти бештар ниёз дорем”, - изҳор дошт Сатторӣ.

Тибқи иттилои Вазорати кишоварзӣ дар тайи шаш моҳи аввали соли равон дар кишвар 73 ҳазору 996 тонна гӯшт истеҳсол шудааст, ки нисбат ба ҳамин давраи соли гузашта 5 фоиз ё 3681 тонна зиёдтар мебошад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала