ДУШАНБЕ, 7 авг - Sputnik. Бар хабари сомонаи Tolo News дар Афғонистон зимни таркиши мошини ҳомили маводҳои тарканда дасти кам 18 нафар ҷони худро аз даст дода беш аз 100 тани дигар ҷароҳатҳои гуногуни ҷисмонӣ бардоштанд.
Манбаъ менависад, ки миёни ҳалокшудагон кӯдакон ва занон низ қарор доранд.
Намояндаи асосии Вазорати беҳдошти ин кишвар Ваҳидулло Маёор ба расонаҳои маҳаллӣ хабар додааст, ки ҷангиён мошини ҳомили маводи таркандаро дар маҳалли серодам инфиҷор сохтанд, ки дар натиҷа ба беморхонаимо беш аз 100 нафар маҷруҳону ҷароҳатбардоштагон интиқол ёфтанд.
Манбаъ тавзеҳ медиҳад, ки соати расо 09:00 мошини ҳомили маводи мунфаҷира ба бинои идораи пулис бархӯрд ва сипас инфиҷор шуд.
Террорист худро тарконд ва 200 касро дар Ғазнӣ захмӣ кард
Масъулияти ин ҳамларо ҷангиёни ҳаракати “Толибон” бар дӯш гирифтанд, ва изҳор доштаанд, ки ҳадафи ҳамлаи мо кормандони пулис буданд.
