Иштирокдорони даври нимниҳоии Ҷоми футболи Тоҷикистон муайян гардиданд

© Sputnik / Стас ЭтвешФутбольный мяч на поле, архивное фото
Футбольный мяч на поле, архивное фото - Sputnik Тоҷикистон
Обуна шудан
Кумитаи миллии олимпӣ иттилоъ дод, ки бозиҳои даври чорякфинали Ҷоми Тоҷикистон дар риштаи футбол анҷом ёфта, иштирокчиёни даври нимфинал муайян гардиданд

ДУШАНБЕ, 28 авг — Sputnik. Кумитаи миллии олимпии Тоҷикистон дар феҳрасти тимҳои роҳёфта ба даври нимниҳоӣ “Истиқлол”, “Ҳулбук”, “Хуҷанд” ва “Регар ТадАз”-ро ном бурд.

Насим Ҳамидов, довари футбол аз шаҳри Душанбе - Sputnik Тоҷикистон
Насим Ҳомидов барои иштибоҳкорӣ аз ҳаққи доварӣ маҳрум шуд

“Дар даври нимниҳоӣ дастаи  “Истиқлол” бо “Ҳулбук”, “Хуҷанд” бо “Регар-ТадАЗ” вомехӯранд. Бозиҳои аввал 1 октябр, бозиҳои ҷавобӣ 2-3 ноябр баргузор мешаванд”, - омадааст дар иттилоияи Кумитаи миллии олимпӣ.

Манбаъ тавзеҳ дод, дар даври чорякфинал “Истиқлол” дар ду бозӣ бо ҳисоби умумии 8:1 бар тими “Эсхата” ғалаба кард.

Тими “Хуҷанд” бошад, ба дарвозаи тими “Хатлон” 3 голи беҷавоб задааст. Бозӣ миёни дастаҳои “Регар-ТадАЗ” – КМВА “Помир” бо ҳисоби умумии 3:2 анҷом ёфт. “Ҳулбук” бар дастаи “Дӯстӣ” бо ҳисоби 4:3 пирӯз шуд.

Дар ҷамъбасти бозиҳои мазкури чорякниҳоӣ иштирокдорони сабқатҳо дар даври ниҳоӣ муайян гардиданд.

Лентаи хабарҳо
0