ДУШАНБЕ, 29 авг — Sputnik. Ба иттилои дафтари матбуоти Раёсати бозрасии давлатии автомобилии ВУД Тоҷикистон, аз 31 август то 10 сентябр дар қаламрави ҷумҳурӣ амалиёти "Бачаҳо"-ро доир менамояд.
Бино ба иттилои манбаъ, мақсад аз баргузории амалиёти мазкур таъмини бехатарии ҳаракат дар роҳ ва пешгирии садамаҳои роҳу нақлиётӣ бо иштироки кӯдакону наврасон мебошад.
Аз ин хотир дар ҷараёни амалиёти "Бачаҳо" аз тамоми шаҳрвандони ҷумҳурӣ даъват карда мешавад, ки дар ташкил ва гузаронидани он фаъол бошанд.
БДА аз 31 август то 10 сентябр дар роҳҳо амалиёт мегузаронад
Раёсати Бозрасии давлатии автомобилии Вазорати умури дохилии Тоҷикистон ҳамзамон аз шаҳрвандон хоҳиш менамояд, ки талаботи қоидаҳои ҳаракат дар роҳро риоя намуда, ҳаёти худ ва дигаронро зери хатар нагузоранд.
