Савдои Тоҷикистон бо кишварҳои узви СҲШ 1,7 миллиард долларро убур кард

© Sputnik / Стас ЭтвешНа рынке Панчшанбе, архивное фото
На рынке Панчшанбе, архивное фото - Sputnik Тоҷикистон
Ожонси омори Тоҷикистон ҳаҷми додугирифти коло бо кишварҳои дигари узви Созмони ҳамкории Шонгҳойро дар 7 моҳи аввали соли равон беш аз 1 миллиарду 700 миллион доллар арзёбӣ кардааст

ДУШАНБЕ, 2 сен — Sputnik. Ҳаҷми гардиши молӣ дар миёни Тоҷикистон ва кишварҳои Созмони ҳамкории Шонгҳой дар ҳафт моҳи соли ҷорӣ беш аз 1 миллиарду 713,2 миллион доллар буд, хабар додаст ТоҷикТА аз қавли Ожонси омори кишвар.

Очередное заседание Совета национальных координаторов государств-членов ШОС - Sputnik Тоҷикистон
Бо мақоми вижа: Ализода дар нишасти Шӯрои ҳамоҳангсозони СҲШ ширкат кард

Манбаъ афзуд, беш аз 1 миллиарду 446,7 миллиони ин маблағ саҳми воридот аз кишварҳои СҲШ мебошад.

Бар асоси додаҳо, дар ин муддат гардиши молӣ дар миёни ҶТ бо Қазоқистон, Русия, Узбакистон ва Ҳиндустон рушд кард ва бо Чину Покистон коҳиш ёфт.

Шарикҳои аслии бозаргонии ҶТ дар созмон Русия, Қазоқистон, Чин ва Узбакистон мебошанд. Ҳаҷми кулли бозаргонӣ бо ин кишварҳо дар ҳафт моҳ ҳудуди 1 миллиарду 628,5 миллион доллар буд. ТоҷикТА таъкид намудааст, ки гардиши молӣ дар миёни ҶТ ва кишварҳои созмон ба истиснои Узбакистон манфӣ буд ва шарҳ додааст, ки яъне дар мубодилот ҳаҷми воридот аз содирот болотар аст.

Тибқи иттилои Ожонс, шарики асосии тиҷории Тоҷикистон ҳамоно Русия боқӣ монда, ҳаҷми додугирифт миёни 2 кишвар дар 7 моҳ ба 570 миллион доллари амрикоӣ баробар шудааст.

Манбаъ афзуд, ки ҳаҷми додугирифти мол миёни Тоҷикистону Қазоқистон  505,4 миллион долларро ташкил додааст. Қазоқистон дар феҳрасти шарикони асосии тиҷории Тоҷикистон баъди Русия, дар ҷои дуюм қарор дорад.

Чин низ ба сегонаи шарикони асосии тиҷории Тоҷикистон шомил гардидаст. Ҳаҷми савдои Тоҷикистону Чин дар ҳафтмоҳа ба 351 миллион доллар баробар шудааст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала