Тоҷикистону Қазоқистон заминаҳои тиҷорӣ, иқтисодӣ ва сармоягузориро баррасӣ карданд

CC BY 2.0 / Alex J. Butler / SAM_1099Флаг Казахстана, архивное фото
Флаг Казахстана, архивное фото - Sputnik Тоҷикистон
Обуна шудан
Мақомоти Тоҷикистону Қазоқистон бар афзоиши таомулоти иқтисодӣ таъкид карданд.

ДУШАНБЕ, 5 сен — Sputnik. Аскар Тоҷибоев, сафири Қазоқистон дар Душанбе ва Давлаталӣ Саид, муовини аввали нахуствазири Тоҷикистон дар дидоре иртибототи иқтисодии ду кишварро баррасӣ ва бар рушди тиҷорат миёни Душанбе ва Нурсултон таъкид карданд, иттилоъ додааст хабаргузории Parstoday дар истинлд ба “Форс”.

Цистерны для нефтепродуктов, архивное фото  - Sputnik Тоҷикистон
Қазоқистон содироти бензинро ба Тоҷикистон шурӯъ мекунад

Бино бар иттилои манбаъ, тарафайн дар ин дидор масоили муҳими марбут ба равобити дуҷониба дар заминаҳои тиҷорӣ, иқтисодӣ ва сармоягузорӣ дар чорчӯби иҷрои тавофуқоти ба дастомада дар ҷараёни сафари расмии раисҷумҳури Тоҷикистон ба Нурсултон дар моҳи марти соли гузашта, сафари кории раисҷумҳури Қазоқистон ба Душанбе дар июн ва боздиди расмии нахуствазири ин кишвар аз Тоҷикистон дар июли соли равонро мавриди баррасӣ қарор доданд.

Ду тараф ҳамчунин аз тавсеаи тадриҷии тиҷорати мутақобил миёни Тоҷикистону Қазоқистон ибрози ризоят карда ва ба зарфияти мавҷуди Тоҷикистон ва Қазоқистон барои густариши бештари ҳамкориҳои тиҷорӣ ва иқтисодӣ ишора намуданд.

Дар поёни ин дидор сафири Қазоқистон бо ташаккур аз муовини нахуствазири Тоҷикистон барои ин дидор, омодагии худро барои ҳамкории самарбахш ҷиҳати тақвияти равобит миёни ду кишвар дар рӯҳияи мушорикати стратегиро эълом дошт.

Лентаи хабарҳо
0