Пограничник на смотровой вышке на границе Кыргызстана. Архивное фото - Sputnik Тоҷикистон
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Чаро тоҷикон макони баҳси марзиро аз худ мешуморанд? посухи вакили қирғиз

© пресс-служба правительства КыргызстанаВышка на пограничном посту Максат в Лейлекском районе Баткенской области.
Вышка на пограничном посту Максат в Лейлекском районе Баткенской области. - Sputnik Тоҷикистон
Обуна шудан
Парлумони Қирғизистон имрӯз пушти дарҳои баста баҳси марзии Қирғизистону Тоҷикистонро баррасӣ мекунанд

ДУШАНБЕ, 19 сен — Sputnik. Вакили Жогорку Кенеш Алмамбек Шикмаматов ба рӯзноманигорон гуфтааст, тоҷикон қисме аз деҳаи ҳудуди Қирғизистон Максатро аз худ медонанд, чун он ҷо манзил харидаанд.

Имрӯз Парлумони Қирғизистон пушти дарҳои баста масъалаи баҳси марзии миёни Тоҷикистону Қирғизистонро баррасӣ мекунанд, хабар медиҳад Sputnik Қирғизистон.

"Саволҳо зиёданд...Тоҷикистониён дар ҳудуди деҳаи Максат наздики 50 хона харида, пас аз гузашти се-чор сол мегӯянд ин замнии онҳо аст. Ин ҷо мушкили фасод ҳам вуҷуд дорад. Мақомоти ҳукуматӣ ин манзилҳоро чун ҳудуди Тоҷикистон ба қайд мегирад", - гуфт Шикмаматов.

Дар баробари ин вакил рӯшан нагуфт мақомоти кадом кишварро дар назар дорад. Ӯ ҳамчунин гуфтааст, ки ҳукумат кор бисёр дорад.

Рухдоди рӯзи 16 сентябр

Ёдовар мешавем, ки дар пайи тирпаронии бегоҳии 16 - сентябр дар ҳудуди марзии Тоҷикистону Қирғизистон се марзбони тоҷик:  подполковник Рустам Убайдуллоев  ва ду сарбози қаторӣ - Рамазон Исломов ва Илёсиддин Субҳонов  кушта шуданд. 

Пограничник на смотровой вышке. Архивное фото - Sputnik Тоҷикистон
Номаи эътирозии Тоҷикистон ба Қирғизистон барои тирпарронӣ дар марз

Ҳамчунин бар асари тирпарронӣ як афсари қирғиз низ ба ҳалокат расида, чандин шаҳрвандони ҳар ду тараф маҷрӯҳ гардиданд.

Вобаста ба ҳодисаи ахир, нахуст ҷониби Қирғизистон ба сафири Тоҷикистон дар Бишкек Суҳроб Олимзода нотаи эътирозӣ супориданд, ки дар он аз амалкарди марзбонони тоҷик бобати нахуст кушодани оташ суйи қирғизҳо изҳори нигаронӣ намудаанд. Зимнан аз мақомоти Тоҷикистон бо ирсоли нотаи эътирозӣ даъват намуданд, ки барои печидатар нашудани вазъияти феълӣ, аз тамоми чораҳо кор бигиранд.

Гузашта аз ин Вазорати умури хориҷии Тоҷикистон низ дирӯз ба ваколатдори муваққатии Қирғизистон дар Тоҷикистон номаи эътирозӣ супорид.

Мақомоти Тоҷикистон аз он изҳори нигаронӣ намуданд, ки ҷониби Қирғизистон дар ҳудуди замини мувофиқнашуда ба сохтусози иншоот оғоз кардаанд.

Муноқишаи мазкур низ  бар асари оғози сохтмони ғайриқонунии марзбонони қирғиз дар мавзеи баҳсии байни ду маҳалла – Баҳори Ҷумҳурии Тоҷикистон ва Мақсади  Ҷумҳурии Қирғизистон ва эътирози мардуми маҳаллаи Баҳор ба вуқӯъ пайвастааст.

Мақомоти Тоҷикистону Қирғизистон дар ҷанҷолу тирандозӣ дар марзи ду кишвар ҳамдигарро мутаҳҳам карданд.

Ёдрас мешавем, ки Тоҷикистону Қирғизистон ҳудуди 976 километр марзи муштарак доранд, ки наздик ба 50 дарсади и он, ҳанӯз аломатгузорӣ нашудааст.

Лентаи хабарҳо
0