ДУШАНБЕ, 21 сен — Sputnik. Мизони таваррум дар бахши масрафкунандаи Тоҷикистон дар ҳафт моҳи соли ҷорӣ 5,8 дарсад буд, гузориш медиҳад ТоҷикТА.
Манбаъ аз қавли Ожонси омори Тоҷикистон хабар додааст, ки мизони таваррум дар моҳи август 0,9 дарсад буд.
Бар асоси омори расмӣ, дар ҳафт моҳ нархи маводи ғизоӣ ва ғайриғизоӣ, ҳамчунин хидматрасониҳо афзоиш ёфт. Тибқи додаҳои оморӣ, мизони солонаи таваррум аз августи соли гузашта то августи соли ҷорӣ 8,6 дарсад буд.
Ин дар ҳолест, ки Ҳукумати Тоҷикистон имсол дар сатҳи 7 дарсад доштани мизони таваррумро барномарезӣ кардааст. Соли гузашта рушди таваррум 5,4 дарсад буд.
Дар ҷамъбасти ҳафтмоҳа Ожонси омори Тоҷикистон иттилоъ дода буд, ки таваррум дар соҳаи истеъмолии Тоҷикистон ба 4,9 дарсад расид. Манбаъ мизони таваррум дар моҳи июлро низ 0,9 дарсад арзёбӣ кардаа, онро ба болоравии нархҳои маҳсулоти озуқаворӣ ва ғайриозуқа, инчунин нархи хизматрасонии пулакӣ ба аҳолии кишвар рабт дода буд.
