Кумитаи олимпӣ моҷарои допинги Дилшод Назаровро шарҳ дод

© AFP 2021 / MARTIN BUREAUДилшод Назаров в финале соревнований по легкой атлетике мужчин на Азиатских играх 2018
Дилшод Назаров в финале соревнований по легкой атлетике мужчин на Азиатских играх 2018  - Sputnik Тоҷикистон
Қаблан Ниҳоди мустақили мубориза бо падидаҳои манфӣ дар варзиши сабук хабар дода буд, ки варзишгари маъруфи Тоҷикистон Дилшод Назаров муваққатан ҳаққи ширкат намудан дар мусобиқаҳоро надорад

ДУШАНБЕ, 25 сен — Sputnik. Дар Кумитаи миллии олимпии Тоҷикистон ба Sputnik Тоҷикистон хабар доданд, ки феълан ба таври расмӣ ҳуҷҷати тасдиқкунанда  бобати маҳрум гардидани варзишгари тоҷик Дилшод Назаров аз иштирок дар мусобиқаҳоро дарёфт накардаанд.

"Алъон мо дар ин хусус чизе гуфта наметавонем, чун дар даст ҳуҷҷати расмӣ надорем. Мо назарамонро танҳо пас аз он, ки муроҷиати расмӣ бобати маҳрум шудани Назаров аз иштирок дар мусобиқаҳо дастрас мекунем, иброз хоҳем дошт".

Намояндаи Кумитаи миллӣ зимнан илова кард, ки ин хабар танҳо дар ВАО паҳн шудааст, вале дақиқ будани он то ҳол номаълум аст.

Дилшод Назаров из Таджикистана на чемпионате Азии по легкой атлетике в Дохе, Катар - Sputnik Тоҷикистон
Дилшод Назаров муваққатан аз ҳаққи иштирок дар мусобиқаҳо маҳрум гардид

Гузашта аз ин, намояндаи кумитаи мазкур гуфт, ки феълан бо Дилшод Назаров натавонистем дар тамос  шавем.

Ёдовар мешавем, ки варзишгари маъруфи тоҷик Дилшод Назаровро бинобар вайрон кардани қоидаҳои зидди допинг аз ҳаққи иштирок дар мусобиқаҳо маҳрум намуданд.

Маврид ба зикр аст, ки варзишгари 37 - солаи Тоҷикистон Дилшод Назаров нахустин ва то имрӯз ягона варзишгари тоҷик аст, ки дар Бозиҳои олимпӣ таҳти парчами Тоҷикистон сазовори унвони қаҳрамонӣ ва медали тилло шуд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала