Тоҷикистон 48 зиндониро ба Афғонистон интиқол дод

© AP / Rahmat GulАфганские заключенные готовятся к освобождению из тюрьмы
Афганские заключенные готовятся к освобождению из тюрьмы  - Sputnik Тоҷикистон
Обуна шудан
Мақомоти Тоҷикистон, 48 зиндонии афғон, ки солҳо ба ҷурми қочоқи маводи мухаддир дар зиндонҳои Тоҷикистон нигаҳдорӣ мешудандро барои иҷрои ҳукмашон ба Афғонистон интиқол дод

ДУШАНБЕ, 30 сен — Sputnik. Интиқоли 48 зиндони имрӯз дар минтақае дар марзи Тоҷикистон ва Афғонистон сурат гирифт, иттилоъ додааст хабаргузории Parstoday ба нақл аз ИРНА.

Зиндониёни афвшуда дар зиндони ноҳияи Ваҳдат - Sputnik Тоҷикистон
Кобул 8 маҳбуси тоҷикро ба ватанашон истирдод намуд

Афғонистон дар ин робита мегӯяд, ки дар баробари ин кор, чанд шаҳрванди тоҷик, ки ба иттиҳоми ифротгароӣ ва терроризм дар зиндонҳои Афғонистон будандро ба Душанбе интиқол додааст.

Манбаъ ёдрас шудааст, ки ин дувумин маротиба дар соли равон аст, ки зиндониён афғон аз Тоҷикистон ба Афғонистон мунтақил шудаанд. Пештар дар моҳи июл низ 80 зиндонии афғон дар ҳамин минтақаи марзӣ ба давлати Афғонистон таҳвил дода шуданд.

Саидмасъуд Бадахш, кордори сафорати Афғонистон имрӯз дар мусоҳиба бо як расонаи Тоҷикистон эълом кард, ин зиндониён ба зиндонҳои Афғонистон бурда мешаванд ва идомаи давраи маҳкумияти худро хоҳанд гузоранд.

Вай афзуд, ахиран як ҳайат барои интиқоли зиндониёни афғон аз Тоҷикистон, ба ин кишвар омада буданд ва дар ҳоли ҳозир ҳудуди 70 зиндонии афғон дар зиндонҳои Тоҷикистон боқӣ мондаанд. Дар гузашта низ бархе зиндониёни афғон аз шароити номуносиби нигаҳдорӣ дар зиндонҳои Тоҷикистон шикоят карда буданд.

Президент Таджикистана Эмомали Рахмон и министр иностранных дел Афганистана Салохиддин Раббони - Sputnik Тоҷикистон
Баҳси Раҳмону Раббонӣ аз истирдоди 80 зиндонӣ ба Афғонистон

Яке аз мақомоти вазорати додгустарии Тоҷикистон эълом кард, ки бештари зиндониёни хориҷе, ки дар зиндонҳои Тоҷикистон нигоҳ дошта мешаванд зиндониёни афғон мебошанд. Бештари онҳо ба ҷурми қочоқи маводи мухаддир зиндонӣ ҳастанд ва ду нафари дигар низ ба ҷурми қатл дар зиндон басар мебаранд. Интиқоли зиндониёни тоҷик ва афғон ба ватанашон бар асоси як тавофуқнома миёни давлати Тоҷикистон ва Афғонистон аз соли 2010 сурат мегирад.

Тоҷикистон ва Афғонистон беш аз якҳзору 300 километр марзи муштарак дорад ва ин яке аз роҳҳои асосии қочоқи маводи мухаддир ба Русия ва кишварҳои дигар маҳсуб мешавад.

Лентаи хабарҳо
0