Ҷашни “Асои сафед”: раиси Суғд барои дастгирии нобиноён ним миллион ҷудо кард

© Sputnik / Евгений Биятов / Гузариш ба медиабонкОткрытие выставки "Видеть невидимое"
Открытие выставки Видеть невидимое - Sputnik Тоҷикистон
Обуна шудан
Раҷаббой Аҳмадзода, раиси вилояти Суғд барои таҷлили Рӯзи байналмилалии асои сафед, ки ҳамасола чун рӯзи нобиноён таҷлил мешавад, беш аз ним миллион сомонӣ ҷудо кард

ДУШАНБЕ, 7 окт — Sputnik. Тибқи иттилои дафтари матбуоти раиси вилояти Суғд, бо мақсади ҳифзи иҷтимоию маънавии нобиноён 15 октябр дар вилоят низ чун дар бисёри кишварҳои ҷаҳон Рӯзи асои сафед таҷлил мешавад.

Девушки на пешеходном переходе, архивное фото - Sputnik Тоҷикистон
Тоҷикистон узви 53-юми тавофуқномаи Марокаш шуд

Бо қарори Аҳмадзода, барои аёдати маъюбони гуруҳи I аз рӯи нобиноӣ 525 900 сомонӣ ҷудо гардида, қарор аст то рӯзи ҷашн кӯмакпулиҳо ба 1753 нафар тақдим карда шавад.

“Ҳамзамон, раисони шаҳру ноҳияҳо, роҳбарони идораву корхонаҳо ва ташкилоту муассисаҳо сарфи назар аз шакли моликият вазифадор карда шудаанд, ки бо истифодаи имкониятҳои мавҷуда нобиноёнро бо ғамхории ҳамаҷонибаи моддӣ ва маънавӣ фаро гиранд”, - таъкид шудааст дар иттилоияи котиботи раиси Суғд.

Ҳамасола 15-уми октябр дар бисёри кишварҳои ҷаҳон, Рӯзи нобиноён, ё худ “Рӯзи асои сафед” таҷлил карда мешавад. “Асои сафед” рамзи шахси нобино буда, охири солҳои 60-уми асри гузашта, 15 октябр аз ҷониби Федератсияи байналмилалии нобиноён ҳамчун рӯзи “Асои сафед” эълон карда шуд.

Лентаи хабарҳо
0