Бозии дӯстонаи мунтахаби Тоҷикистону Малайзия рӯзи 9 ноябр баргузор мегардад

© © ФФТОлимпийская сборная Таджикистана начала подготовку к чемпионату Азии-2020
Олимпийская сборная Таджикистана начала подготовку к чемпионату Азии-2020 - Sputnik Тоҷикистон
Бозии дастаи мунтахаби Тоҷикистон бо дастаи миллии Малайзия рӯзи 9 ноябр, соати 17:45 бо вақти Душанбе дар Варзишгоҳи марказии Букит Ҷалили шаҳри Куала-Лумпур баргузор мешавад

ДУШАНБЕ, 19 окт — Sputnik.  Дастаи мунтахаби футболи Тоҷикистон дар доираи омодагӣ ба марҳилаи интихобии Чемпионати ҷаҳон-2022 нақша дорад, ки бо дастаи миллии Малайзия бозии дӯстона баргузор намояд, иттилоъ додааст, Федератсияи  футболи Тоҷикистон.

Юношеская сборная Таджикистана по футболу - Sputnik Тоҷикистон
Мунтахаби кишвар кай ба чемпионати Осиё роҳ меёбад? Шарҳи коршинос аз вазъи футболи тоҷик

Тибқи иттилои манбаъ, вохӯрии мазкур рӯзи 9  ноябр, соли равон дар Варзишгоҳи марказии Букит Ҷалили шаҳри Куала-Лумпур доир мешавад. Баъди анҷом додани дидори рафиқона дастаи мунтахаби Тоҷикистон ба шаҳри Янгони Мянма сафар хоҳад кард.

Бояд зикр кард, ки 14 ноябр дастаи мунтахаби Тоҷикистон дар доираи рақобатҳои даври 5-уми марҳилаи интихобии Чемпионати ҷаҳон-2022 бар муқобили дастаи мунтахаби  Мянма рақобат хоҳад кард.

Дидори дастаҳо дар варзишгоҳи «Mandalar Thiri Stadium», соати 15:30 бо вақти Душанбе баргузор мешавад.

Сипас мунтахаби Тоҷикистон аз шаҳри Янгони ба шаҳри Бишкек барои анҷом додани бозии навбатии марҳилаи интихобии Ҷоми ҷаҳон-2022 ба муқобили дастаи мунтахаби Қирғизистон сафар мекунанд.

 Ин вохӯрӣ 19  ноябр, соати 19:00 бо вақти Душанбе дар назар аст.

Ёдовар мешавем, ки 15 октябр дар Варзишгоҳи марказии шаҳри Душанбе бозии даври 4-уми марҳилаи дуюми интихобии Чемпионати ҷаҳон – 2022 дар гурӯҳи “F” байни дастаҳои мунтахаби футболи Тоҷикистон ва Япония баргузор гардида, бо ҳисоби 0:3 ба фоидаи меҳмонон ба анҷом расид.

Дастаи мунтахаби Тоҷикистон 14 ноябр дар даври навбатӣ бо дастаи мунтахаби Мянма рақобат мекунад.

 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала