Дар Кӯлоб бинои нави таълимии коллеҷи милитсия ифтитоҳ ёфт

© МВД РТКоллеҷи милитсия дар шаҳри Кӯлоб
Коллеҷи милитсия дар шаҳри Кӯлоб  - Sputnik Тоҷикистон
Рамазон Раҳимзода, вазири корҳои дохилии Тоҷикистон имрӯз дар шаҳри Кӯлоб ба муносибати Рӯзи милитсияи тоҷик бинои нави таълимии коллеҷи милитсияро ифтитоҳ кард

ДУШАНБЕ, 7 ноя — Sputnik. Дар шаҳри Кӯлоб бинои нави таълимии коллеҷи милитсия ифтитоҳ ёфт, иттилоъ додааст дафтари матбуоти ҳукумати вилояти Хатлон.

Министр МВД Таджикистана Рахимзода Рамазон Хамро - Sputnik Тоҷикистон
Супориши Рамазон Раҳимзода барои пурзӯр кардани мубориза бар зидди ҷинояткорӣ

Бино бар иттилои манбаъ, дар маросими ифтитоҳи бинои нави колеҷ ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, вазири корҳои дохилии Тоҷикистон Рамазон Раҳимзода, раиси шаҳри Кӯлоб Баҳром Иноятзода иштирок намуданд.

Рамазон Раҳимзода курсантони коллеҷро ба муносибати ифтитоҳи бинои нави таълимӣ, ҷашни 25-умин солгарди Рӯзи Конститутсияи ва Рӯзи милитсия самимона табрик намуд.

 Муассисаи давлатии таълимии “Коллеҷи милитсияи Вазорати корҳои дохилии Тоҷикистон” бо Қарори Ҳукумати Тоҷикистон аз 7 августи соли 2014 бо мақсади ба таҳсил фаро гирифтани ятимону бепарасторон, фарзандони оилаҳои камбизоат, инчунин кормандони мақомоти ҳифзи ҳуқуқ, ки ҳангоми иҷрои вазифаҳои хизматӣ фавтидаанд, таъсис дода шудааст.

“Коллеҷи мазкур мутахассисони воҳидоти таъйиноти махсуси мақомоти ҳифзи ҳуқуқро омода намуда, хонандагонро дар рӯҳияи инсондӯстӣ, садоқат ба давлату миллат, эҳтиром ба арзишҳои олии Ватан, инчунин тарбияи ҳарбӣ-ватандӯстӣ давоми 3 ва 4 сол ба таълим фаро мегирад”, таъкид намудааст манбаъ.

Ифтитоҳи шуъбачаи милитсия дар Фурудгоҳи шаҳри Кӯлоб - Sputnik Тоҷикистон
Раҳимзода дар Фурудгоҳи Кӯлоб бинои шуъбачаи милитсия ифтитоҳ кард

Коллеҷи милитсия дорои хобгоҳ барои 441 нафар, ошхонаи замонавӣ, синфҳои компютерӣ, криминалистӣ, ронандагӣ ва омӯзиши забони англисӣ, воситаҳои нақлиёти таълимӣ, ҳуҷраҳои корӣ барои омӯзгорон, маҷлисгоҳ, толори варзишӣ ва майдони гузаронидани машқҳои сафороӣ, нуқтаи тиббӣ, ҳаммом, китобхонаи муосир ва муҷаҳҳаз бо маводу ашёи зарурӣ буда, курсантон ҳар моҳ бо идрорпулӣ таъмин карда мешаванд.

Ҳамзамон манбаъ қайд намудааст, ки дар охир курсантони фаъол ва гурӯҳи ҷавонони “Авангард” бо мукофотҳои вазири корҳои дохилии Тоҷикистон сарфароз гардиданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала