Фасодкорӣ дар зиндон: пули зиёдро дар ним сол аз худ кардаанд

CC0 / Pixabay / Тюремная вышка, архивное фото
Тюремная вышка, архивное фото - Sputnik Тоҷикистон
Додситонии кулли Тоҷикистон аз ошкор шудани фасодкорӣ дар идораи зиндонҳои вилояти Хатлон хабар дод, ки бо маҳкумияти сармуҳосиб ва ду нафар шарикаш анҷомидаст

ДУШАНБЕ, 10 ноя — Sputnik. Тибқи иттилои Додситонии кул, Муминзода Тағоймурод Мумин дар вазифаи сармуҳосиби муассисаи ислоҳии рақами 3/9-и Сарраёсати иҷрои ҷазои ҷиноӣ кор карда, дар маслиҳат бо дигарон тайи ним сол беш аз 248 ҳазор сомониро аз худ кардааст.  

Амнистия заключенных в Согдийской области - Sputnik Тоҷикистон
Боз беш аз 700 нафари дигар аз зиндонҳои шаҳри Бохтар ва ноҳияи Дӯстӣ озод шуд

“Муминзода бо маслиҳати пешакӣ бо дигарон, аз моҳи май то декабри соли 2018 бо роҳи нест кардани қисми ордерҳои даромади хазинавӣ ва тартиб додани ҳуҷҷатҳои қалбакӣ маблағи 248 ҳазору 502 сомониро аз они худ намуда, бо ин кирдорашон ба манфиати давлат зарари махсусан калон расонидаанд”, - омадааст дар иттилоия.

Додситони вилояти Хатлон барои ин кор нисбати Исмоилзода Саидаҳмад Маҳмадкарим ва Худойбердиев Отабек Музаффарович бар асоси ду моддаи Кодекси ҷиноятии Тоҷикистон, барои исрофкорӣ ва сохтакорӣ парвандаи ҷиноӣ оғоз намуда, бо анҷоми тафтишоти пешакӣ барои моҳиятан баррасӣ намудан ба суд ирсол карда намудаст.

Додгоҳи шаҳри Леваканти вилояти Хатлон Муминзода Т.М., Исмоилзода С.М. ва Худойбердиев О.М. гунаҳкор дониста, ба ҷазои сазовор маҳкум кардааст. Мушахассан, ки маҳкумшудагон чӣ ҷазо гирифтаанд, Додситонии кул иттилоъ надодааст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала