Мақомоти Хуҷанд: хазонро дар шаҳр оташ занед 11 ҳазор сомонӣ ҷарима мешавед

© REUTERS / Hussein MallaПара гуляет по осеннему парку в Ливане
Пара гуляет по осеннему парку в Ливане - Sputnik Тоҷикистон
Обуна шудан
Yandex newsTelegram
Мақомоти шаҳри Хуҷанд ба шаҳрвандон хабар додааст, ки сӯзонидани баргҳои дарахтон ва дигар партовҳо қатъиян манъ аст ва барои чунин кирдор то 11 ҳазор сомонӣ ҷарима пешбинӣ шудааст

ДУШАНБЕ, 17 ноя — Sputnik. Шуъбаи ҳифзи муҳити зисти шаҳри Хуҷанд таъкид намудааст, ки сӯзонидани баргҳои дарахтон ва дигар партовҳо қатъиян манъ буда, он ба саломатии инсон осеби ҷиддӣ мерасонад, иттилоъ додааст дафтари матбуоти ҳукумати шаҳри Хуҷанд.

Раиси вилояти Суғд ва раиси шаҳри Хуҷанд - Sputnik Тоҷикистон
Раисон бо бел ба мумфаршкунии роҳи кӯчаҳои шаҳри Хуҷанд оғоз бахшиданд

“Ин амал, бахусус гирифторони бемориҳои қалб ва шушро азият, ба саломатии кӯдакон зиёни бештар мерасонад. Бино ба иттилоъи табибон сӯзонидани барги дарахт ба зиёда аз 20 узви инсон хатарҳои ҷиддӣ мерасонад”, - таъкид намудааст манбаъ.

Ҳамзамон нафаскашӣ аз барги сӯзонидашуда метавонад ба дарди сар, гум шудани ҳуш, шиддати бемориҳои роҳи нафас ва ғайраҳо оварда расонад.

Манбаъ зикр намудааст, ки Қонунгузор барои чунин кирдор ҷавобгариро ба андозаи то 11 000 сомонӣ пешбинӣ намудааст.

Мақомоти шаҳри Хуҷанд аз сокинон хоҳиш намудааст, ки агар онҳо табиатро дӯст медоранд, ба ин амал даст назананд.

Лентаи хабарҳо
0