Баландшавии нархи гӯшт, дорӯ ва чиптаи ҳавопаймо дар Тоҷикистон

© © Sputnik / Амир ИсаевТорговля на рынке Мехргон
Торговля на рынке Мехргон - Sputnik Тоҷикистон
Дар Тоҷикистон нархи гӯшт ба таври эҳсосшаванда баланд шуд. Ҳамчунин нархи нон, маҳсулоти ордӣ, сабзавот, ширу маҳсулоти ширӣ ва ғайраҳо гарон шудааст

ДУШАНБЕ, 21 ноя — Sputnik. Тайи 9 моҳи соли ҷорӣ нархи маҳсулоти озуқаворӣ дар Тоҷикистон 9,2 дар сад боло рафтааст, омадааст дар иттилоияи Агентии омори назди президенти Ҷумҳурии Тоҷикистон.

Заседание правительства Таджикистана 29 декабря 2014 года. Фото: пресс-служба президента РТ - Sputnik Тоҷикистон
Қарори Ҳукумат барои таъмини арзонии гӯшт: вазир гуфт, нарх бояд поин равад

Миёни маҳсулоти озуқаворӣ аз ҳама зиёд нархи гӯшт – 21,1 дар сад, гарон шудааст.  Нархи нон ва хӯришҳои аз орд тайёр мешудагӣ 17,2 фоиз, сабзавот – 11,3%, шир ва маҳсулоти ширӣ – 3,5 дар сад гарон шудааст.

Ғайр аз маҳсулоти озуқа нархи дигар молу ашё низ боло рафтааст. Масалан нархи дорӯворӣ дар Тоҷикистон тайи 9 моҳи соли ҷорӣ 12,3  дар сад, техникаҳои рӯзғордорӣ – 6,9 гарон шудааст.

Ҳамчунин нархи маҳсулоти сохтумонӣ низ дар кишвар ба таври эҳсосшаванда баланд шудааст, масалан, нархи хишти пухта ба 5,8 дар сад боло рафтааст.

Нархи чиптаҳои ҳавопаймо чун ҳамеша имсол низ аз гароншавӣ боз намонда, баробар ба 6,3 фоиз боло рафтааст.

Дар ин ҳол нархи тарофаҳои хизматрасониҳои маишӣ 3,6 ва арзиши роҳкиро дар нақлиёти ҷамъиятӣ 2,9 дар сад боло рафтаанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала