Фақат “Юнистрим”: саргардонии мардум аз дарёфти маболиғи интиқолии муҳоҷирин - акс

© © SputnikОчередь в Амонатбанке в день запуска национальной системы переводов
Очередь в Амонатбанке в день запуска национальной системы переводов - Sputnik Тоҷикистон
Обуна шудан
Субҳи имрӯз, 3 декабр, ҳазорон шаҳрванди Тоҷикистон, ки барои дарёфти маболиғ ба бонкҳо омаданд, гирифтори сарсониву саргардонӣ шуданд

ДУШАНБЕ, 3 дек — Sputnik. Муслима, як сокини шаҳри Душанбе, мегӯяд, дирӯз фарзандаш тариқи бонк аз Русия маблағ фиристода буд, аммо субҳ вақте хост онро дарёфт кунад, муваффақ нашуд.

Информация о платежных системах для перевода денег - Sputnik Тоҷикистон
Пул нест: интиқоли маблағҳо аз Русия ба Тоҷикистон қатъ карда шуд

“Бонки “Эсхата” рафтам, “Амонатбонк” ҳам рафтам, як маркази хизматрасонии бонкӣ низ рафтам, аммо дар ҳама ҷо як гапро гуфтанд, ки дода наметавонем. Ман ин гапҳоро намефаҳмам. Ба писарам занг задам ва тилфонро ба дасти корманди бонк додам, ки фаҳмонад. Ҳарду чӣ гапҳое гуфтанд. Корманди бонк гуфт, ки ба писаратон фаҳмондам, ҳозир аз дигар мепартояд. Шиштаам нигоҳ карда...”, - гуфт холаи Муслима.

Ба мисли холаи Муслима садҳо нафари дигар дар саросари Тоҷикистон пушти дарҳои бонкҳо мунтазири ҳалли мушкили хеш нишастаанд. Дар тамос бо “Sputnik” кормандони бонкҳои “Эсхата” ва Амонатбонк” гуфтанд, ки дар ҳоли ҳозир интиқоли пул тариқи ширкатҳои “Золотая корона”, "Western Union" "Contact" ва “MoneyGram” имкон надорад.

© © SputnikОчередь в Амонатбанке в день запуска национальной системы переводов
Фақат “Юнистрим”: саргардонии мардум аз дарёфти маболиғи интиқолии муҳоҷирин - акс - Sputnik Тоҷикистон
Очередь в Амонатбанке в день запуска национальной системы переводов

“Танҳо ширкате, ки мешавад аз тариқи он пул дарёфт кард, “Юнистрим” аст. Мо ба мизоҷон мефаҳмонем, ки пулашонро дигарбора бо ин ширкат фиристанд. Интиқоли дувоздаҳрақама. Бале, каме сарсонӣ дорад, аммо имкон ҳаст, ки пул фиристода ва дарёфт шавад”, - гуфт як корманди бонк.

Он чӣ сокинони қаториро нигарон кардааст, эҳтимоли қатъ шудани интиқоли пул аз Русия ба Тоҷикистон аст.

Пункт по денежным переводам, архивное фото - Sputnik Тоҷикистон
Бонки миллӣ хабари манъи интиқоли пул аз Русия ба Тоҷикистонро рад кард

Қаблан Бонки миллии Тоҷикистон ба “Sputnik” хабару овозаҳои манъи интиқоли пул аз Русия ба Тоҷикистонро рад карда буд.

Далели пеш омадани чунин вазъро ҳам имзо нашудани шартномаи гузариш ба низоми нави ҳисоббаробаркунии БМТ аз сӯи ширкатҳои интиқоли маблағ унвон карданд.

Дафтари матбуоти Бонки миллии Тоҷикистон ба Sputnik гуфт, ҳоло бо ширкати "Юнистрим", "CONTACT", "Western Union" шартнома ба имзо расидааст ва низоми интиқоли пулии "Contact" низ аз фардо ба кори худ оғоз хоҳад кард.

“Ҳеҷ мушкилоте пеш нахоҳад омад. Дар ҳоли ҳозир, корҳои техникӣ ба анҷом мерасанд", - гуфт роҳбари дафтари матбуоти БМТ Мавҷуда Ҳасанова ва аз ироаи маълумот дар бораи шартнома бо ширкатҳои “MoneyGram” ва "Золотая Корона" худдорӣ кард.

Аммо он чӣ субҳи имрӯз дар Тоҷикистон иттифоқ афтод, нишон медиҳад, ки “корҳои техникӣ” ҳанз ба анҷом нарасидаанд. Аммо сокинон ва кормандони бонк ба ин боваранд, ки ин мушкил ба зудӣ рафъ хоҳад шуд.

Қаблан Бонки миллии Тоҷикистон эълон карда буд, ки аз 3 декабри соли равон Маркази миллии протсессингии интиқоли маблағҳо бе кушодани суратҳисобҳо дар назди Бонки миллӣ ба фаъолият оғоз хоҳад кард.

Эксперт общественной организации Миграция и закон Гавхар Джураева - Sputnik Тоҷикистон
Гавҳар Ҷураева шарҳ дод, ки манъи интиқоли пул барои Тоҷикистон то чӣ андоза хатар дорад

 “Аз ин рӯ, тамоми интиқолҳои фаромарзӣ бе кушодани суратҳисоби бонкӣ дар ҳудуди Ҷумҳурии Тоҷикистон тавассути Маркази миллии протсесcингии интиқоли маблағҳо (ММПИМ) роҳандозӣ шуда, амалиётҳои мазкур дар навбати аввал тавассути низомҳои пардохтие, ки ба ММПИМ пайваст шудаанд, анҷом дода мешаванд”, - омадааст дар иттилоияи БМТ.

Тибқи иттилои расмӣ, 90% интиқолоти пулӣ ба Тоҷикистон аз Русия ворид мешавад ва қисмати бузурги онро маболиғи муҳоҷирини меҳнатии тоҷик ташкил медиҳад. Соли 2018 ба Тоҷикистон $2 миллиарду 553 миллион доллар ворид шуда буд.

Лентаи хабарҳо
0