Бонувони муштзани тоҷик аз Ҷоми ҷаҳон бо медали нуқра ва биринҷӣ баргаштанд

© SputnikТурнир по женскому боксу "Женщины против насилия, наркомании и гендерного неравенства"
Турнир по женскому боксу Женщины против насилия, наркомании и гендерного неравенства - Sputnik Тоҷикистон
Обуна шудан
Бонувони муштзани тоҷик дар Ҷоми ҷаҳон оид ба бокс ду медал – як нуқра ва 1 биринҷӣ ба даст оварданд

Аз 11 то 14 - уми декабр дар шаҳри Белоярски Русия 17-ум Ҷоми ҷаҳон оид ба бокс миёни кишварҳои истеҳсолкунандаи нефт (World Cup of Boxing Oil Countries) баргузор шуд, хабар медиҳад Кумитаи миллии олимпии Тоҷикистон.

Боксерские перчатки, архивное фото - Sputnik Тоҷикистон
Мавзуна Чориева 4 муштзани тоҷикро ба Қаҳрамонии ҷаҳон бурд

Ба иттилои манбаъ, Миҷгона Самадова дар вазни 57кг пас аз ду пирӯзӣ бар варзишгарони Руссия Малика Шоҳидова ва Ирина Сафарова дар финал аз намояндаи дигари кишвари мизбон Даря Абрамова мағлуб гардида, ҷои дуюмро ишғол кард.

Писари Бег Зуҳуров дар мусобиқаи байналмилалӣ медали биринҷӣ гирифт-Навор

Шоира Зулқайнарова дар чорякфинали вазни 60кг бар Анастасия Горожантсева (Руссия) ғалаба карда, дар нимфинал аз намояндаи дигари кишвари мизбон Наталия Шадрина шикаст хурд ва ҷои сеюмро ишғол намуд.

Се намояндаи дигари кишвари мо – Идимоҳ Холова (69кг), Бахтовар Сагизов (57кг) ва Баҳодур Усмонов (63кг) аз медалҳо бенасиб монданд. Идимоҳ ва Бахтовар дар даври аввал, Баҳодур пас аз пирӯзӣ бар варзишгари кишвари мизбон Азнаур Калсинов дар даври аввал, дар даври дуюм аз намояндаи кишвари Марокаш Нодир Абдулҳақ мағлуб шуданд.

Ҳафт муштзани тоҷик барои Ҷоми Президенти Қазоқистон қувваозмоӣ мекунанд

Дар мусобиқа, ки аз рӯи 8 вазн миёни мардон, 5 вазн миёни бонувон сурат гирифт, 127 варзишгар аз 23 давлат иштирок карданд.

Лентаи хабарҳо
0