“Ҷоми Президенти Тоҷикистон” доир ба теннис ба рӯйхати бозиҳои байналмилалӣ ворид шуд

© SputnikКубок президента Таджикистана по теннису
Кубок президента Таджикистана по теннису - Sputnik Тоҷикистон
Обуна шудан
Ахиран дар пойтахти Бритониё Федератсияи байналмилалии теннис қароре қабул кард, ки тибқи он “Ҷоми Президенти Тоҷикистон” доир ба теннис ба рӯйхати бозиҳои байналмилалӣ ворид карда шуд

ДУШАНБЕ, 26 дек — Sputnik. Санаи 23 декабр дар шаҳри Лондон тибқи қарори Федератсияи байналмилалии теннис Мусобиқаи байналмилалӣ оид ба теннис байни наврасон барои дарёфти “Ҷоми Президенти Тоҷикистон” ба рӯйхати бозиҳои байналмилалӣ оид ба теннис ворид карда шуд.

Кубок президента Таджикистана по теннису - Sputnik Тоҷикистон
Дар Душанбе ду мусобиқаи байнулмилалӣ доир ба теннис баргузор мегардад

Дар ин бора котиби матбуоти Кумитаи кор бо ҷавонон ва варзиши Точикистон Каримҷон Салимзода хабар дод.

Бино бар иттилои манбаъ, соли 2020 дар Мусобиқаи байналмилалии теннис барои дарёфти “Ҷоми Президенти Тоҷикистон”  намояндагони беш аз 30 давлати дунё иштирок менамоянд.

“Ба рӯйхати мусобиқаҳои байналмилалӣ ворид намудани мусобиқаи мазкур шаҳодат аз он медиҳад, ки Тоҷикистон тавонист варзиши тоҷикро ба ҷаҳониён муарррифӣ намуда, барои варзишгарони тоҷик шароити созгор ва инфрасохтори зарурӣ фароҳам оварад”, - таъкид доштааст Каримҷон Салимзода.

Бояд қайд кард, ки аз 19 марти соли 2005  инҷониб ҳамасола 23 — 27 август дар шаҳри Душанбе Мусобиқаи байналмилалии теннис байни наврасон барои дарёфти “Ҷоми Президенти Тоҷикистон” баргузор мешавад.

Лентаи хабарҳо
0