Ҳукми зодаи Тоҷикистон барои корд задани пулис дар Русия

Ҷавони 25-сола, зодаи ҷумҳурии Тоҷикистон, ки дар кордзании пулис дар Башқирдистон муттаҳам мешуд, ба 15 соли зиндон маҳкум шудаст

ДУШАНБЕ, 17 янв — Sputnik. Маҳкумшуда дар нашъаҷаллобӣ ва маҷруҳ кардани пулис бо зарби корд гунаҳкор дониста шуд, хабар додаанд расонаҳои маҳаллии Башқирдистон.

Медуниверситет в Душанбе - Sputnik Тоҷикистон
Ҳукми ҷавоне, ки 3 донишҷӯи Донишгоҳи тиббиро дар Душанбе корд зад

Зикр шудаст, ки ҳодиса моҳи сентябри соли гузашта дар ноҳияи Дюртюл, замоне рух додаст, ки муттаҳам ба ҷой кардани халтаҳои маводи мухаддир дар пинҳонгоҳҳо машғул будааст.

Ба иттилои мақомоти Башқирдистон, маъмурини пулис талош кардаанд, ҷавонро ҳангоми пинҳон кардани халтаҳо бо мухаддирот боздошт кунанд, аммо ӯ муқобилият нишон дода, яке аз онҳоро захмӣ кардааст.

Додгоҳи олии Башқирдистон ҷавонро дар нашъаҷаллобию қасди ҷони корманди мақомоти ҳифзи ҳуқуқ гунаҳкор дониста, барои 15 сол равонаи зиндони низомаш сахт кардааст.

Маҳкумшуда ва вакили дифояш даъво кардаанд, ки ҳангоми зарба задан ҳамлагар огоҳ набудааст, ки ҷабрдида корманди пулис аст, аммо марҳилаи болои додгоҳӣ низ ҳукмро бе тағйир гузоштаст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала