Дзюдокорони тоҷик дар Гран Прии Тел Авив ширкат мекунанд

Имрӯз – 23 январ – мусобиқаи байналмилалии дзюдо – Гран Прии Тел Авив оғоз мегардад, ки дар он варзишгарони тоҷик ширкат мекунанд

ДУШАНБЕ, 23 янв — Sputnik. Давлаталӣ Назаралиев, Беҳрӯз Хоҷазода, Сомон Маҳмадбеков, Акмал Муродов, Комроншоҳ Устопириён, Саидҷалол Саидов, Темур Раҳимов ва Шакармамад Мирмамадов барои иштирок дар Гран При ба Исроил мераванд, гузориш медиҳад Кумитаи миллии олимпии Тоҷикистон.

Бино бар иттилои манбаъ, қувваозмоиҳо дар Тел Авив чун анъана се рӯз идома меёбад.

"23 январ варзишгарони вазнашон -60кг, -66кг (мардон) ва -48, -52кг, -57кг (бонувон) рӯи татамӣ мебароянд. Аз миёни варзишгарони мо танҳо Давлаталӣ гуштин мегирад. Ӯ дар даври аввал озод аст. Ҳарифаш дар даври дуюм Гусман Қирғизбоев аз Қазоқистон мебошад", - тавзеҳ медиҳад манбаъ.
 Таджикский атлет Бехруз Ходжазода выиграл серебряную медаль Гран-При Ташкента по дзюдо - Sputnik Тоҷикистон
Бори нахуст 4 варзишгари тоҷик ба Федератсияи байналмилалии дзюдо роҳхат гирифтанд

Дар рӯзи дуюм қувваозмоиҳои вазнҳои -73кг, -81кг (мардон), -63кг, -70кг (бонувон) доир мегардад, ки се варзишгари мо – Беҳрӯз, Сомон ва Акмал барои ба даст овардани ҷоизаҳо талош мекунанд. Беҳрӯзу Сомон дар даври аввал озоданд, Акмал бо Кристиан Тонисте аз Эстония рақобатро шурӯъ мекунад, афзудааст кумита.

Дар рӯзи ниҳоӣ сангинвазнҳо - -90кг, -100кг, +100кг (мардон), -78кг, +78кг (бонувон) рӯи татамӣ мебароянд. Дар рӯзи сеюм мо шоҳиди ҳунарнамоии 4 паҳлавонамон мегардем. Комроншоҳ ва Темур дар даври аввал озоданд. Ҳарифи Саидҷалол дар даври аввал Левис Медина аз Доминикан ва ҳарифи Шакармамад Бегболот Токтогонови қирғизистонӣ мебошанд.

Варзишгарони тоҷик дар Чемпионати ҷаҳон оид ба дзюдо ҷои панҷумро ишғол карданд

Чун анъана, ғолибони ҷоизадорон ба ғайр аз медал ҷоизапулӣ мегиранд – барои ҷои якум 3000 доллари ИМА, барои ҷои дуюм 2000 ва барои ду ҷои сеюм 1000-долларӣ. Ҳамчунин, варзишгарон соҳиби хол гардида мавқеашонро дар радабандии ҷаҳон ва олимпӣ беҳтар мекунанд.

Тибқи иттилои сомонаи расмии Федератсияи байналмилалии дзюдо, дар мусобиқа, ки аз рӯи 14 категорияи вазнӣ (7 вазн миёни мардон, 7 вазн миёни бонувон) сурат мегирад, 548 варзишгар (315 мард, 233 зан) аз 83 давлат иштирок менамоянд. 

 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала