Рублу сомониҳои сохта дар муомила: дар Тоҷикистон се "пулсоз"-ро дастгир карданд

© Sputnik Сомони и рубли, архивное фото
Сомони и рубли, архивное фото - Sputnik Тоҷикистон
Обуна шудан
Онҳо бо мақсади даромади муфт 55 ҳазор рубли русӣ ва бештар аз 3 ҳазор сомонӣ пулҳои сохтаро ба муомила баровардаанд

ДУШАНБЕ, 01 фев — Sputnik. Дар Тоҷикистон се нафарро ба гумони сохтани пул дастгир карданд, гузориш медиҳад ВКД.

Бино бар иттилои манбаъ, онҳо ҳазорҳо сомониву рубли русиро ба муомила баровардаанд.

Арест, архивное фото - Sputnik Тоҷикистон
Фурӯши як хона ба чанд нафар: боздошти хонафӯруши қалбакӣ дар Душанбе
Тавре манбаъ менависад, "ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 41, 40 ва 33-солаи сокинони ҷамоати деҳоти Султонободи ноҳияи Рӯдакӣ бо гумони тайёр кардан ё ба муомилот баровардани пул ё қоғазҳои қимматноки қалбакӣ дастгир карда шуданд".

"Номбурдагон, санаи 28-уми январи соли 2020 бо маслиҳати пешакӣ бо мақсади ба даст овардани фоида ба муомилоти ғайриқонунӣ бо асъори хориҷӣ машғул шудаанд, ки аз онҳо 55 ҳазор рубли русии қалбакӣ ва 3 ҳазору 500 сомонӣ гирифта шуд", - омадааст дар иттилои ВУД.

Нисбати гумонбаршавандагон парвандаи ҷиноятӣ бо моддаи 281 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Боздошти шаҳрванди Тоҷикистон бо шиносномаи қалбакӣ дар Кишинёв

Тибқи моддаи мазкур, барои тайёр кардан бо мақсади ба муомилот баровардан ё ба муомилот баровардани билетҳои қалбакии Бонки миллии Тоҷикистон, танга ё қоғазҳои қиматноки қалбакӣ бо асъори Ҷумҳурии Тоҷикистон, асъори хориҷӣ ё коғазҳои қиматноки қалбакӣ бо асъори хориҷӣ аз 5 сол то 8 сол маҳрум сохтан аз озодӣ пешбинӣ мешавад.

 

 

Лентаи хабарҳо
0