Домоди Мирзиёев роҳбари Конфедератсияи ММА дар Осиёи Марказӣ таъин шуд

Обуна шудан
НовостиTelegram
Нахустин қаҳрамонии муҳорибаҳои омехтаи сатҳи ҷаҳонӣ дар Осиёи Марказӣ, тобистони соли 2020 дар Қазоқистон баргузор мешавад

ДУШАНБЕ, 9 фев — Sputnik. Домоди президенти Узбакистон Отабек Умаров раҳбари Конфедератсияи ММА дар Осиёи Марказӣ таъин шуд, хабар медиҳад хадамоти матбуотии ин ниҳод.

Зять и дочь Шавката Мирзиёева - Sputnik Тоҷикистон
Пеш аз сафари Ҳабиб: домоди Мирзиёев роҳбари Асостсиатсияи ММА интихоб шуд

Конфедератсия дар ҷамъбасти нишасти матбуотии Шӯрои Федератсияи байналмилалии муҳорибаҳои омехта дар шаҳри Нур-Султон ташкил гардид.

Таъиноти Отабек Умаровро ба ҳайси раҳбари Конфедератсия ҳамаи аъзоёни нишаст дастгирӣ карданд.

Дар баробари ин, дар ин нишаст қарор дар бораи баргузории нахустин қаҳрамонии ММА дар Осиёи Марказӣ қабул шуд.

Ҳамин тавр, аввалин қаҳрамонии ММА дар Осиёи Марказӣ тобистони соли 2020 дар Қазоқистон баргузор мегардад.

Ёдрас мешавем, ки миёнаҳои моҳи ноябри соли 2019 домоди Шавкат Мирзиёев - Отабек Умаров раҳбари Ассосиатсияи муҳорибаҳои омехта, ки тоза дар Узбакистон ташкил шуд, таъин гардид.

Лентаи хабарҳо
0