Шикори ғайриқонунии гӯсфанди нодири “Марко-Поло” дар Мурғоб

CC BY-SA 2.0 / sunriseOdyssey / Архары на дороге. Архивное фото
Архары на дороге. Архивное фото - Sputnik Тоҷикистон
Обуна шудан
Вазорати умури дохилаи Тоҷикистон аз боздошти автомашинаи тамғаи “Митсубиси-Паҷеро” бо гумони шикори ғайриқонунӣ хабар медиҳад

ДУШАНБЕ, 11 фев — Sputnik. Бино ба гузориши Вазорати корҳои дохилӣ, ҳодиса дар ҳудуди деҳаи Мурғоби ноҳияи Мурғоб ба вуқӯъ пайвастааст.

Винторогий козел в Калининградском зоопарке, архивное фото - Sputnik Тоҷикистон
Видеои қиматтарин шикор дар Тоҷикистон - навор

Гуфта мешавад, ки дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия дар ҳудуди деҳаи Мурғоби ноҳияи Мурғоб автомашинаи тамғаи “Митсубиси-Паҷеро”, таҳти идораи ронандаи 32-солаи сокини деҳаи Бердибек бо гумони шикори ғайриқонунӣ боздошт карда шуд.

Тоҷикистониён аз шикори ғурм ба дасти хориҷиҳо хашмгин шуданд

"Дар вақти азназаргузаронии автомашинаи мазкур, аз дохили бағоҷ 27 килову 15 грамм гушти гӯсфанди “Марко-Поло” дарёфт ва мусодира карда шуд", - омадааст дар хабарнома.

Манбаъ афзуда, ки муайян карда шудааст, ки гӯшти гирифташуда ба мусофири автомашинаи мазкур марди 36-солаи сокини деҳаи Мурғоб тааллуқ доштааст.

Ин ниҳод зарари расонидашуда 232 ҳазор сомонӣ арзёбӣ кардааст.

Мақомоти мегӯяд, аз рӯи ин ҳодиса тафтишот идома дорад.

Лентаи хабарҳо
0