Жээнбеков муовини сарвазирро дар пайи танишҳо дар марз бо Тоҷикистон барканор кард

© Пресс-служба президента КыргызстанаПрезидент Кыргызской Республики Сооронбай Жээнбеков
Президент Кыргызской Республики Сооронбай Жээнбеков - Sputnik Тоҷикистон
Обуна шудан
Жениш Раззоқов аз моҳи апрели соли 2018 вазифаи муовини нахуствазири Қирғизистонро адо мекард ва бо як фармони президент озод шуд

ДУШАНБЕ, 11 фев — Sputnik. Президенти Қирғизистон Сооронбой Жээнбеков муовини нахуствазири кишвар дар масоили низомиро ба истеъфо равон кард.

"Раисҷумҳури Қирғизистон Сооронбой Жээнбеков фармонеро ба имзо расонида, истеъфои Жениш Раззоқовро қабул ва мувофиқи аризааш ӯро аз вазифаи ишғолкардааш озод намуд", - менависад дафтари матбуоти президент.
Раджаббой Ахмадзода, глава согдийской области - Sputnik Тоҷикистон
Аҳмадзода дар бораи ҷараёни тақсими марз бо Қирғизистон гуфт

Раззоқов аз моҳи апрели соли 2018 мақоми муовини нахуствазирро дар масоили низомӣ ишғол мекард. Дар бораи сабабҳои истеъфои Раззоқов расман чизе гуфта намешавад.

Аммо вақтҳои ахир ӯ зери интиқоди вакилони кишвараш қарор гирифта буд. Онҳо аз суст ба роҳ мондани корҳои аломатгузорӣ ва муайянкунӣ дар марз бо Тоҷикистон изҳори норозигӣ мекарданд.

Сарҳади Тоҷикистону Қирғизистон доим нуқтаи танишҳо байни сокинони марзӣ ё марзбонони ду кишвар аст.

Ба фикри ягона наомадаем: Раззоқов дар бораи табодули замин миёни Тоҷикистону Қирғизистон

Баҳсҳо дар пайи минтақаи номуайяни сарҳад, ки наметавон ҳудуди ин ё он кишварро ҷудо кард, сар мезананд.

Бори охир таниш дар марз 10 январ сар зад. Сокинони Қирғизистону Тоҷикистон якдигарро сангборон карданд. Феълан, кишварҳо мехоҳанд ҳудудҳоро байни ҳам мубодила кунанд. Ба гуфтаи коршиносон, ин иқдом ягона роҳи гурез аз танишҳои навбатӣ мешавад.

Лентаи хабарҳо
0