Коршиносони тоҷик андешаи Путинро дар бораи “волидони рақами 1 ва 2” шарҳ доданд

© Sputnik / Алексей Мальгавко / Гузариш ба медиабонкЖенщина с ребенком лепят снеговика
Женщина с ребенком лепят снеговика - Sputnik Тоҷикистон
Обуна шудан
Рад кардани "модар" ва ё "падар" ба манфиати "волидони рақами як ва ду" қобили қабул нест, мегӯянд роҳбари Маркази фарҳангии Тоҷикистон дар Маскав Хуршеда Ҳамроқулова ва ҳуқуқшинос Бахтиёр Насруллоев

ДУШАНБЕ, 17 фев - Sputnik. Президенти Русия Владимир Путин дар мулоқот бо аъзои гуруҳи корӣ оид ба омода намудани пешниҳод дар бораи ворид кардани тағйиру иловаҳо ба Конститутсия гуфт, дар ҳоле ки ӯ сарвари давлат аст, нишони “шумораи падару модари якум ва падару модари дуюм” дар Русия пайдо намешаванд.

Посол Франции Ясмин Гуедар, архивное фото - Sputnik Тоҷикистон
Сафири Фаронса дар мулоқот бо вазири фарҳанг аз таваҷҷӯҳ ба шашмақом ва синамои тоҷик гуфт

"То вақте, ки ман президент ҳастам, мо волидони рақами якум ва (рақами ду) нахоҳем дошт - падар ва модар хоҳанд буд" - гуфт Путин.

Ба гуфтаи роҳбари Маркази фарҳангии Тоҷикистон Хуршеда Ҳамроқулова, ин равиш бештар одилона аст.

"Падару модар падару модаранд. Ҳамин тавр ҳам бояд бошад. Дар Ғарб ин чизро шояд ба он далолат медиҳанд, ки онҳо ба издивоҷи якҷинса иҷозат додаанд, ба одамон иҷоза медиҳанд, ки сухан ронанд онҳое, ки ҳуқуқҳояшон поймол карда мешаванд ҳуқуқи эътироз доранд. Умедворам ба кори онҳо пайравӣ намекунем. Мо издивоҷи якҷинса надорем. Пас, чаро мо ба мафҳумҳои “волидайни аввал” ва “волидайни дуюм” ниёз дорем. Мо падар ва модар дорем. Кадоме аз онҳо аввалин хоҳад буд, ва кадомаш дуюм касе аз берун муайян намекунад, аммо худи вазъ, худи оила ҳамаро ҷобаҷо мегузорад”, - ӯ суханони президентро шарҳ дод.

Ҳамракулова инчунин ба он эътибор дод, ки мафҳумҳои “аввал” ва “дуюм” ҳеҷ тафовуте надоранд.

Таджикские красавицы - Sputnik Тоҷикистон
Муовини вазири фарҳанг: донишҷӯён дар “маршировка”-ҳо ишқи худро пайдо мекунанд

"Ман бар онам, ки табиат он чиро додааст он бояд риоя карда шавад. Табиат баъзан аз мо оқилтар аст. Албатта табиат низ баъзан хато мекунад. Аммо ин масъалаи мудохилаи тиббӣ аст, на ҳилаҳои ахлоқӣ ё бадахлоқии ҷомеа ва на чораҳои иҷтимоию давлатӣ. Ҳар кас ҳуқуқ дорад, бояд дар ҷомеа яксон бошад: ҳуқуқи меҳнатӣ, ҳуқуқи иҷтимоӣ ва ғайра вуҷуд доранд. Аз тамоюлоти табиӣ бояд табобат кард на он корҳоеро, ки дар Ғарб мекунанд", - хулоса кард Ҳамроқулова.

Бахтиёр Насруллоев, ҳуқуқшиноси тоҷик низ бо ӯ ҳамфикр аст.

"Ман 100% ҷонибдори президенти Русия мебошам. Имрӯз Путин ҷонибдори пурқудрати арзишҳои ахлоқӣ ва маънавии инсон дар рӯи замин шудааст. Агар Путин намешуд ва ё Путин чунин ҳиллаҳои Ғарбро дастгирӣ мекард, Ғарб кайҳо кишварҳои исломиро маҷбур карда буд, ки чунин “арзишҳои инсонӣ" – ҳамҷинсгароию мафҳумҳои “волидайни-1” ва “волидайни-2”-ро қабул кунанд. Мо, кишварҳои Шарқ, пеш аз ҳама, исломӣ, имрӯз аз ҷангҳои мазҳабӣ дар сарзамини худ азият мекашидем” - гуфт ӯ.

Бахтиёр Қосимов, сардори Раёсати фарҳанги вилояти Суғд - Sputnik Тоҷикистон
Сензура не, ин фарҳанг аст: суруду клипҳои “пуч” дигар ба ТВ роҳ дода намешаванд

Ба ақидаи ӯ, аксар сокинони Иёлоти Муттаҳида ва Фаронса низ ин сиёсатро дастгирӣ намекунанд, онҳо ба чунин "арзишҳо" мухолифанд, аммо, қувваҳои зиёде ҳастанд, ки мехоҳанд инсоният ва ахлоқи инсонро вайрон кунанд.

"Ҳомосексуализм ва ё ҳамҷинсгароӣ ин ҳуқуқ нест, балки бемории рӯҳист. Ҳуқуқ маҳсули муборизаи инсоният барои ҳазорсолаҳо мебошад. Мардум барои озодии сиёсӣ, озодии сухан, озодии ақида, зиндагии осоишта, таҳсилот, ҳаёти осоишта, саломатӣ, интихобот мубориза мебурданд, аммо ҳеҷ гоҳ барои алоқаи ҷинсӣ ва озодии зино мубориза намебурданд”, - таъкид кард ӯ.

Адвокат илова кард, ки озодӣ маънои озодӣ аз ақл, ахлоқ ва қонунҳои табиатро надорад.

"Дар таърихи инсоният, ҳама мутафаккирони бузурги Ғарб ва Шарқ ахлоқи инсонро тарғиб ё ташвиқ кардаанд. Худи ахлоқ ин маҳдудияти озодиҳои муайян аст", - мегӯяд коршинос.

Лентаи хабарҳо
0